سه‌رۆکی یه‌کگرتووی لالیگا: پاریس رووی تۆپی پێی له‌کیشوه‌ری ئه‌وروپا ناشرین کردووه‌

سه‌رۆكی یه‌كگرتووی لالیگا خافیر تیباس له‌لێدوانێكی رۆژنامه‌وانیدا تانه‌ له‌یانه‌ی پاریس سان جێرمانی فه‌ره‌نسی ده‌دات و تۆمه‌تباریان ده‌كات به‌ئه‌نجامدانی كاری گه‌نده‌لی له‌ركابه‌رییه‌كانی ئه‌وروپا.
 تیباس دووپاتیكرده‌وه‌ پی ئێس جی رووی تۆپی پێی له‌كیشوه‌ری ئه‌وروپا ناشرین كردوه‌، چونكه‌ ئه‌و كارانه‌ی ئه‌م یانه‌ پاریسیه‌ ئه‌نجامی ده‌دات له‌ده‌ره‌وه‌ی یاسا و بنه‌ماكانی تۆپی پێیه‌ له‌جیهان به‌گشتی و ئه‌وروپا به‌تایبه‌ت.
 تیباس نه‌یشارده‌وه‌ تانه‌كانی له‌یانه‌ی پاریس سان جێرمان په‌یوه‌ندی به‌نه‌یمار و مێسی نیه‌، به‌ڵكو به‌سه‌رچاوه‌ی دارایی ئه‌م یانه‌یه‌ له‌كۆی ئه‌م داهاته‌ به‌ده‌ست دێنێت، له‌كۆتا قسه‌كانیدا تیابس داوای روونكردنه‌وه‌ له‌یانه‌ی پاریس سان جێرمانی فه‌ره‌نسی ده‌كات چونكه‌ بردنه‌وه‌ی نازناوی لیگاوه‌ن له‌به‌رامبه‌ر به‌ده‌ست هێنانی بری چل و پێنج ملیۆن یۆرۆیه‌، له‌به‌رامبه‌ردا مووچه‌ی یاریزانه‌كانی ئه‌م یانه‌یه‌ ده‌گاته‌ شه‌ش سه‌د ملیۆن یۆرۆ، بۆیه‌ ده‌بێ روونكردنه‌وه‌ وه‌ربگرین له‌سه‌ر ئه‌م بره‌ پاره‌یه‌ی ئه‌م یانه‌یه‌ به‌ده‌ستی دێنێت، چونكه‌ قه‌باره‌ی پاره‌كه‌ زیاد له‌پێویست گه‌وره‌یه‌.
سه‌رۆكی لالیگا جه‌ختیكرده‌وه‌ له‌چه‌ندین بۆنه‌ی تایبه‌تدا داوای له‌ناسر خه‌لیفی سه‌رۆكی یانه‌ی پاریس سان جێرمان و سه‌رۆكی یه‌كگرتووی لیڤاوه‌نی كردووه‌ سه‌ردانی ئیسپانیا بكه‌ن تا به‌به‌لگه‌ بۆیان بسه‌لمێنێت یاسا شێكی ئه‌م یانه‌یه‌ له‌كوێ ئه‌نجام دراوه‌.