له‌یارییه‌كانی پالاوتنی هه‌لبژارده‌كانی كیشوه‌ری ئه‌وروپا بۆ گه‌یشتن به مۆندیالی دووهه‌زارو بیست و دووی ولاتی قه‌ته‌ر هه‌لبژارده‌ی ئه‌لمانیا میوانداری هه‌لبژارده‌ی رۆمانیای كردو یاریه‌كه‌شی لێ برده‌وه به‌ئه‌نجامی دوو گۆل به‌رامبه‌ر به گۆلێك .
یارییه‌كه له میانی كۆمه‌له‌ی ده‌یه‌می پالاوتنه‌كان بوو ، له خوله‌كی نۆ یانیس هاجی به تۆمار كردنی گۆلێك میوانه‌كانی له گێمی یه‌كه‌م پێشخست .
له گێمی دووه‌م و له خوله‌كی په‌نجاو دوو سێرجی گنابری به‌لێدانێكی به‌هێز گۆلی یه‌كسان بوونه‌وه‌ی بۆ میوانداره‌كان به‌ده‌ست هێنا ، له خوله‌كی هه‌شتاو یه‌ك تۆماس مۆله‌ر گۆلی دووه‌م و دلنیایی سه‌ركه‌وتنی بۆ كانشافت تۆمار كردو هه‌لبژارده‌ی ئه‌لمانیا شه‌شه‌م بردنه‌وه‌ی به‌ده‌ست هێناو كۆی خاله‌كانیشی له پله‌ی یه‌كه‌می ریزبه‌ندی كۆمه‌له‌كه‌ی بۆ هه‌ژده خال به‌رزكرده‌وه ، رۆمانیاش تووشی سێیه‌م دۆراندن هات و ده خالی هه‌یه‌و له پله‌ی چواره‌می كۆمه‌له‌ی ده‌یه‌م دێت .
له پاڵاوتنه‌کان ئه‌ڵمانیا سه‌رکه‌وتنی به‌سه‌ر رۆمانیا تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.