بوومەلەرزەیەك بە گوڕی 5،8 پلە، دوورگەی کریت-ی یۆنانی هەژاند.
پەیمانگای جیۆدینامیکی ئەسینا، ئاماژەی بەوە کرد کە بوومەلەرزەکە كاتژمێر 9:17 ی به‌یانی ئه‌مڕۆ دووشه‌ممه 27 ى 9 ى 2021 ، بە کاتی ناوخۆی یۆنان لە قووڵایی 10 كیلۆمەتر روویداوە.
بوومەلەرزەکە کە چەقەکەی ناوچەی ئارڤیس بووە لە باشووری کریت، لە هەموو دوورگەکەدا هەستی پێکراوە.
هێشتا هیچ روونکردنەوەیەک نەدراوە لەبارەی ئەوەی بوومەلەرزەیە زیانی گیانیی یان ماڵی لێ کەوتبێتەوە یان نا.
هاوکات ناوەندی بوومەلەرزەناسی دەریای ناوەڕاستی ئەورووپا گوڕی بوومەلەرزەکەی بە 6،5 پلە بڵاوکردەوە.
کۆمێنت (0)
تا ئێستا هیچ کۆمێنتێک نەکراوە.