له په‌راوێزی بانگه‌شه‌ی هه‌ڵبژاردن شێخ خه‌میس خه‌نجه‌ر، سه‌رۆكی هاوپه‌یمانی كۆڵنه‌دان له فه‌للوجه ووتارێكی بۆ جه‌ماوه‌ره‌كه‌ی پێشكه‌ش كردو گوتی : به‌ناوی ئێوه‌وه سوپاسی جه‌نابی سه‌رۆك مه‌سعود بارزانی ده‌كه‌ین كه پاڵپشتی خه‌ڵكه‌كه‌ی ئێمه‌ی له ڕۆژانی كۆچكڕه‌وییه‌كه‌مانی كرد ، هه‌روه‌ها سوپاسی هه‌رێمی كوردستان ده‌كه‌ین كه به گه‌ل و حكومه‌ته‌وه خزمه‌تێكی بێ پایانیان كردین .
خه‌نجه‌ر گوتیشی: لێره‌دا سوپاسی ئه‌و هه‌ڵوێسته ده‌كه‌ین كه ئه‌و كاتانه‌ی تائیفییه‌كان ڕێگریان لێكردین بچینه شار و پایته‌خته‌كه‌مان، ئه‌وه‌بوو پاڵه‌وانانه سه‌رۆك مه‌سعود بارزانی بڕیاری كردنه‌وه‌ی ده‌رگای كوردستانی دا و ده‌رگایان بۆ كردنیه‌وه و گووتی به‌خێربێن بۆ كوردستان و هه‌ر چییه‌ك ڕووبدات له خروقات له پردی (بزێبز )ناهێلم ئافره‌ت و پیاوانی ئه‌نبار و فه‌للوجه بكه‌ونه به‌رده‌ستی ئه‌وانه‌ی له پردی ( بزێبز)ن .
سه‌رۆكی هاوپه‌یمانی كۆڵنه‌دان گوتیشی: ئه‌م هه‌ڵوێسته‌ی به‌ڕێز مه‌سعود بارزانی هه‌رگیز له یاد ناكرێت .
ئا/ فه‌رمان عه‌لی
کۆمێنت (0)
تا ئێستا هیچ کۆمێنتێک نەکراوە.