له میانه‌ی به‌شداریكردن له به‌رنامه‌ی رۆژه‌ڤی كوردستان مەحما خەلیل / کاندیدی ژمارە 20 لە بازنەی 3ی نەینەوای پ.د.ک سه‌باره‌ت به پرسی هه‌لبژاردن .. له ژێر ناوی " پارتی بەهێز بێت..کوردستان پارێزاو دەبێت " رایگه‌یاند
پارتی به‌هێز بێت بۆ به‌رژه‌وه‌ندی دیموكراسیه‌ت و مرۆڤایه‌تی ته‌واو ده‌بێت ، پێش هێرشی تیرۆریستانی داعش بۆ سه‌ر شه‌نگال ، ئه‌و شاره له ژێر ده‌ستی پارتی دابوو زۆر هێمن و ئارام و ئاوه‌دان بوو ، دواتر هه‌ولی پارتی ئه‌وه بوو كه به‌رنامه‌یه‌ك بگه‌رێته‌وه ئه‌و ده‌ڤه‌ره ، به‌ڵام دوای 16ی ئۆكتۆبه‌ر ئه‌ویش وای كرد كه شه‌نگال ناسه‌قامگیری دیسانه‌وه به‌خۆوه ببینێت .
روونیشیكرده‌وه كه پارتی دیموكراتی كوردستان له‌و هه‌لبژاردنه‌ی رابردوو یه‌كه‌م بوو له سه‌ركه‌وتندا ، له سه‌رده‌مانی پێشووش پارتی خه‌می یه‌كه‌می به‌ده‌ستهێنانی مافه‌كانی گه‌لی كورد و كوردستانیان بووه .
هه‌روه‌ها سه‌ركه‌وتنی پارتی هۆكاره بۆ سه‌قامگیری و ئارامی له عێراق بۆ ئه‌وه‌ی ئه‌و وڵاته به‌هێز بێت وپێكه‌وه ژیان و دیموكراسیه‌ت به‌رقه‌رار بێت .
ده‌ڤه‌ره‌كان و ناوچه‌كانی مادده‌ی 140ی ده‌ستوور ئه‌مانه‌ته له سه‌رئه‌ستۆی پارتی و كاندیدانی پارتی و سه‌ركردایه‌تی پارتی .
لیستی پارتی دیموكراتی كوردستان لیستێكی نیشتیمانییه ، هه‌موو شاره‌كانی كوردستان و عێراق كاندیدی تیایه ، وه‌ك عه‌ره‌ب و ئێزیدی و كریستیان و پێكهاته‌ی دیكه .
پارتی خاوه‌ن ئیراده‌یه‌كی به‌هێزه بۆ گێرانه‌وه‌ی خاك له چوارچێوه‌ی ده‌ستوور و مادده‌ی 140ی ده‌ستوور
ئه‌گه‌ر عێراق به‌مشێوه‌یه‌ی ئێستا لاواز بێت و نه‌توانێت ئه‌و رێككه‌وتنه‌ی نێوان هه‌ولێر و به‌غدا جێبه‌جێ بكات و چه‌كدارانی حشدی شه‌عبی و پشتیوانی كردنیان له لایه‌ن ئێرانه‌وه ، به‌رده‌وامی هه‌بێت ، پێویسته ئه‌و دۆسییه‌یه‌ی ناوچه‌كانی ده‌ره‌وه‌ی حكومه‌تی هه‌رێم بۆ وڵاتانی زلهێزو رێكخراوه نێوده‌وڵه‌تییه‌كان به‌رز بكرێته‌وه بۆ ئه‌وه‌ی فشار بخه‌نه سه‌ر عێراق بۆ گێڕانه‌وه و ئاسایی كردنی بارودۆخه‌كه .
پارتی بۆته جێگه‌ی باوه‌ڕی هه‌موو مرۆڤایه‌تی ، رۆژهه‌ڵاتی ناوه‌راست پێویستی به هێزێكی وه‌ك پارتی هه‌یه بۆ پاراستنی پێكهاته‌كان له ژینگه‌یه‌كی ئارام .
له به‌رنامه‌ی نوێی پارتی ، زیاتر نیشتیمانیه ، بۆ كوردستانیش به‌ده‌ستهێنانی مافه ده‌ستوورییه‌كانه و پێكه‌وه ژیان به هێز بێت .
له لایه‌ن خۆیه‌وه نەجوا حەمید محەمەد کاکەیی / کاندیدی ژمارە 52 لە بازنەی 2ی کەرکوکی پ.د.ک سه‌باره‌ت به هه‌مان پرسی هه‌لبژاردن . " رۆڵی پارتی بەهێز بێت..کوردستان پارێزاو دەبێت" رایگه‌یاند
پارتی دیموكراتی كوردستان ئه‌و خوله به‌شداری كارای ده‌بێت به‌تایبه‌تی له خولی پێشوو له كه‌ركووك به‌شداری نه‌كرد ، ئاشكرایه له دوای 16ی ئۆكتۆبه‌ر پارتی دوور كه‌وتبۆوه له كه‌ركووك به‌ڵام ئه‌مجاره به جۆش و خرۆشه‌وه پێشوازی له پارتی و كانیدانی كرا .
هه‌روه‌ها روونیكرده‌وه دوای 16ی ئۆكتۆبه‌ر بۆشاییه‌ك دروست بوو ، دوێنێش وه‌ك دیار بوو پێشوازیه‌كی گه‌رم له كاندیدان و پارتی دیموكراتی كوردستان كرا .
نەجوا حەمید محەمەد کاکەیی گوتی پێویسته هه‌موو كه‌ركوكییه‌ك متمانه‌یان هه‌بێت بۆ گێرانه‌وه‌ی خۆشگوزه‌رانی و هێمنی بۆ ئه‌و شاره ، چونكه وه‌ك ئاشكرایه ئه‌و شاره و گوندو ناوچه‌كانی سه‌ر به كه‌ركووك له ژێر مه‌ترسی دابوو له دوای 16ی ئۆكتۆبه‌ر .
ئێمه له ئاینده هه‌وڵ ده‌ده‌ین كه مادده‌ی 140ی ده‌ستووری كاری له سه‌ر بكه‌ین بۆ ئه‌وه‌ی جێبه‌جێ بكرێت .
گرنگ ئه‌وه‌یه هه‌موو كه‌ركووكییه‌ك بچێته سه‌ر سندوقی ده‌نگدان بۆ ئه‌وه‌ی ده‌نگ به كاندیدانی پارتی بدات بۆ ئه‌وه‌ی بتوانیین باشترین خزمه‌ت پێشكه‌ش به كه‌ركووك و كه‌ركووكیان بكه‌ین .
دارشتنی : سوهێل تاهیر عه‌بدولڵا
کۆمێنت (0)
تا ئێستا هیچ کۆمێنتێک نەکراوە.