له ڕاگهێندراوێكدا وەزارەتى خوێندنى باڵا و توێژینەوەى زانستى و وەزارەتى پەروەردە، ڕەشنووسى ستراتیژى گەشەپێدانى خوێندنى پیشەیى و تەکنیکى لە هەرێمى کوردستان ئامادە دەکەن.
ئەمڕۆ سێشەمە ٢٠٢١/٨/٢٤، بە سەرپەرشتى (د. ئارام محمد قادر) وەزیرى خوێندنى باڵا و توێژینەوەى زانستى و (ئالان حەمەسەعید) وەزیرى پەروەردە و بە ئامادەبوونى بریکاران و ڕاوێژکاران و ژمارەیەک لە بەڕێوەبەرانى گشتى هەردوو وەزارەت، لە دیوانى وەزارەتى پەروەردەى حکومەتى هەرێمى کوردستان، کۆبوونەوەى هاوبەشى هەردوو وەزارەت تایبەت بە داڕشتنى ستراتیژى گەشەپێدان و بەرەو پێشبردنى خوێندنى پیشەیى و تەکنیکى ئەنجام درا.
بۆ ئەمەش لیژنەیەکى پسپۆرى هاوبەش لەنێوان هەردوولا پێکهێنرا بۆ ئەوەى لەماوەى (١٥) پانزە رۆژى کارکردندا ڕەشنووسى ستراتیژى گەشەپێدانى خوێندنى پیشەیى و تەکنیکى ئامادە بکەن، بە مەبەستى پێشکەشکردنى بە بۆردى پەروەردە و خوێندنى باڵاى ئەنجوومەنى وەزیرانى هەرێمى کوردستان.
کۆمێنت (0)
تا ئێستا هیچ کۆمێنتێک نەکراوە.