له ئانتالیا بازگه دانراوه و دوای لێدانی هاووڵاتییه كورده‌كان، هه‌ڕه‌شه‌ی سووتاندنیشیان لێ ده‌كرێت.
به گوێره‌ی هه‌واڵێكی ئاژانسی مزۆپۆتامیا، له ناوچه‌ی كه‌په‌زی سه‌ربه ئانتالیا له توركیا، گرووپێكی قه‌ره‌باڵغی نه‌ته‌وه‌په‌ره‌ست، له‌سه‌ر رێگا و جاده‌كان خاڵی پشكنینیان داناوه.
ئه‌م گرووپه له‌م خاڵه پشكنینانه‌دا داوای ناسنامه له خه‌ڵك ده‌كات و به‌دوای هاووڵاتییه كورده‌كاندا ده‌گه‌ڕێت.
له‌م چوارچێوه‌یه‌دا رۆژی دوو شه‌ممه هاووڵاتییه‌كی كورد به‌ناوی ئه‌رهان سه‌ڤیمی 45 ساڵیان ده‌ستگیر كردووه و دوای لێدانێكی زۆر و بێ رێزی كردنێكی زۆر، پێیان گوتووه تۆ كوردی، ئێوه‌ی كورد پیسن و پێویسته لێره نه‌مێنن ئه‌گینا هه‌مووتان ده‌سووتێنین.
جێگای ئاماژه پێكردنه كه له كۆتایی مانگی ته‌مووزیشدا له ناوچه‌ی مه‌رامی سه‌ربه قۆنیا هێرشی سه‌ر خانه‌واده‌یه‌كی كورد كرابوو و 7 ئه‌ندامی ئه‌و خانه‌واده‌یه كۆژرابوون.
ئه‌رده‌لان گۆران
له تورکیا هه‌ڕه‌شه‌ی سووتاندن له هاووڵاتییه کورده‌کان ده‌کرێت
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.