سەرۆکی هاوپەیمانیی بەرەی نیشتمانیی مەدەنی هۆشداری دەداتە هەردوو وڵاتی ئەمریکا و ئێران.
پاش كشانه‌وه‌ی سیی هاوپه‌یمانی و لایه‌نی سیاسیی له هه‌ڵبژاردنی پێشوه‌خته‌ی ئه‌نجوومه‌نی نوێنه‌رانی عێراق، مشتومڕێكی گه‌رمتر له ناوخۆی عێراق و ده‌ره‌وه له‌سه‌ر هه‌ڵبژاردنه‌كانی داهاتووی عێراق دروست بووه، هه‌ر له‌م باره‌یه‌وه ئه‌یاد عه‌لاوی رایده‌گه‌یه‌نێت، پێویسته ئه‌مه‌ریكا و ئێران واز له عێراق بێنن و دۆخی عێراق بۆ ئه‌نجامدانی هه‌ڵبژاردن گونجاو نیه.
ئەیاد عەللاوی، سەرۆکی هاوپەیمانیی بەرەی نیشتمانیی مەدەنی داوای لە ئەمریکا و ئێران کردووە شەڕی خۆیان لە عێراق دوور بخەنەوە و رێگا بدەن عێراقییەکان خۆیان چارەنووسی خۆیان دیاری بکەن.
ئەیاد عەللاوی پێی وایە رەوشی عێراق لەبار نییە بۆ ئەنجامدانی هەڵبژاردن، چونکە بارودۆخ تێکچووە و ژیانی عێراقییەکان کەوتوەتە بارودۆخێکی کارەساتبار و نازاین کێ بڕیار بەدەستە، سەرکردە و گەلی عێراق یان لایەنی دیکە، کە وێرانیی عێراقیان دەوێ.
ئەیاد عەللاوی رەخنەی لە دەستوەردانی ئەمریکا و ئێران گرتووە و رایگەیاندووە: بە چ مافێک لەبارەی هەڵبژاردنی عێراق و چارەنووسی گەلی عێراقەوە ئه‌م دوو وڵاتانه قسە دەکەن، عەللاوی هۆشداریی داوەتە ئەمریکا و ئێران و داوای لێکردوون مەرگەسات و برینەکانی عێراق زیاد مەکەن، عێراقییەکان خۆیان باشتر پلان و بڕیار لەبارەی چارەنووسی خۆیانەوە دەدەن، لە ئاوی مەنگ بترسێن، چونکە کاتی هاتووە، ئەوە ئاگادارمان کردنەوە.
بڕیاره له 10ی ئۆكتۆبه‌ری 2021 هه‌ڵبژاردنی پێشوه‌خته‌ی عێراق ئه‌نجام بدرێت.
کۆمێنت (0)
تا ئێستا هیچ کۆمێنتێک نەکراوە.