به‌ ڤایرۆسی کۆڕۆنا 5 که‌سی دیکه‌ له‌ سلێمانی گیانیان له‌ده‌ستدا

تەندروستی سلێمانی ڕایدەگەیەنێت: لە 24 کاتژمێری ڕابردوو 25 تووشبووی نوێی كۆرۆنا داخڵی نەخۆشخانەكان كراون و پێنج كه‌سیش به‌م په‌تایه‌ گیانیان لەدەستداوە. 
 
به‌ڕێوه‌به‌رایه‌تی گشتی ته‌ندروستی سلێمانی لە ڕاگەیەندراوێکدا  بڵاویكرده‌وه‌: له‌ ماوه‌ی 24 كاتژمێری رابردوو 25 كه‌سی دیكه‌  داخڵی نەخۆشخانەكانی تایبەت بە كۆرۆنا لە شارەكە كراون. 

راشیده‌گه‌یه‌نن، تائێستا 126 توشبووی کۆرۆنا لە نەخۆشخانەکان ماونەتەوە و 114 کەسیش لەژێر ئۆکسجیندایە.

هاوکات 17 توشبووی كۆرۆنا نەخۆشخانەكانی تایبه‌ت به‌كۆڕۆنایان جێهێشتووە و پێنج حاڵەتی گیان له‌ده‌ستدانیش لەوماوەیه‌دا تۆمارکراوە.