“د.عەلی تەتەر” پارێزگارێ دهۆکێ ل کۆمارا ئەلمانیا فیدرال ژلایێ بەرێز “فۆلکەر کاودەر” Volker Kauder ئەندامێ پەرلەمانێ ئەلمانیا فیدرال ژ پارتا CDU و راوێژکارێ “ئەنگێلا مێرکل” بۆ کارۆبارێن سیاسی، سەروکێ بەرێ یێ فراکسیونا یەکگرتیا سی دی یو/سی ئێس یو هاتە پێشوازیکرن.
دهەڤدیتنێدا پشتی بخێرهاتنێ دانوستاندن ل دۆر رەوشا دەڤەرێ و پێکڤەژیانا ئۆل و نەتەوان و هاریکاریێن بۆ ئاوارە و پەنابەران و هەڤکاریا کۆمارا ئەلمانیا فیدرال هاتەکرن.
هەردوولا دۆپاتی ل دۆر خۆرتکرن و بەرەف پێشڤەبرنا پەیوەندیان دبیاڤێن جۆدا داکر و پارێزگارێ دهۆکێ ژبەر رۆل و خزمەتا پەرلەمانتارێ ناڤبری بۆ درۆستکرنا هەماهەنگیێ دناڤبەرا هەرێما کوردستانێ و پارێزگەها دهۆکێ و کۆمارا ئەلمانیا فیدرال لۆگویێ رێزلێنانێ پێشکێشی بەرێز فۆلکەر کاودەر کر، ئەو د دیروکێ دا درێژترین دەم دا ئەندامێ پەرلەمانێ فیدرالە ژ فراسیونا یەکێتیا سی دی یو/سی ئێس یو کو ژ ساڵا ۱۹۹۰ تا نوکە ل پەرلەمانی یە و ژ ساڵا ۲۰۰٥ تا ۲۰۱٨ سەروکێ فراکسیونێ بوو و دەمەکێ سکێرتێرێ گشتیێ پارتیا سی دی یو بوو
پارێزگارێ دهۆکێ و ئەندامەکێ پەرلەمانێ ئەلمانیا فیدرال و راوێژکارێ ئەنگێلا مێرکل بۆ کاروبارێن سیاسی رەوشا دەڤەرێ گوتوبێژ کرن.
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.