ئه‌مڕۆ دووشه‌مه 12-7-2021، د.محەمەد شوکری، سەرۆکی دەستەی وەبەرهێنانی حکوومەتی هەرێمی کوردستان رایگه‌یاند: لەو ماوەیەدا مۆڵەتمان بە پڕۆژەیەكی گرنگی پیشەسازی داوە، ئەویش كارگەیەكی شیشە لە هەولێر بە سەرمایەی 341 ملیۆن دۆلار، ئه‌و كارگەیه به ستانداردی جیھانی و تەكنەلۆژیای پێشكەوتوو دەبێت.
راشیده‌گه‌ێنێت: ئه‌و كارگه‌یه ساڵانه 750 هه‌زار تۆن سیكرابی ئاسن ده‌كاته شیش "ئەم کارگەیە هەم کار لەسەر سیکراب دەکات و هەمیش کەرستەی خاو، ده‌بێته یه‌كێك له گه‌وره‌ترین كارگه‌كانی ئاسن له هه‌رێمی كوردستان و عێراقیش.
لەگەڵ دەستپێکردنی ئەم پڕۆژەیە، زیاتر لە 500 کرێکاری خۆماڵی رۆژانە کار دەکەن و هەلی کاریان بۆ رەخساوە، لەگەڵ تەواوبوونیشی زیاتر لە 2 هەزار هەلی کاری راستەوخۆ و ناڕاستەوخۆ دروست دەبن.
سەرۆكی دەستەی وەبەرهێنانی حكوومه‌تی هه‌رێمی كوردستان ئاماژه بۆ ئه‌وه‌شده‌كات: لە مانگی شوباتی ساڵی داهاتوودا بەرهەمی كارگەكە دەكەوێتە بازاڕەكانی هەرێمی كوردستان و عێراق.
راشیگه‌یاند: كارگەكە سەر سەرمایەی خۆماڵییە و ئێستا لەژێر دروستكردندایە و ساڵی داهاتوو بەرهەمەكەی دەبینریت و هەلیكارێكی باشیش دەرەخسێنێت.
کۆمێنت (0)
تا ئێستا هیچ کۆمێنتێک نەکراوە.