به‌ڕێوه‌به‌رایه‌تی پۆلیسی ڕاپه‌ڕین له ڕاگه‌ێندراوێكدا ڕایكه‌یاند: كاتژمێر 1ی دوای نیوه‌ڕۆی ئه‌مڕۆ سێشه‌ممه به‌رواری 29/6/2021 هاووڵاتییه‌ك به‌ناوی (ژ،ز،ك) له دایكبووی 1977 پیشه ژنی ماڵ دانیشتووی گه‌ڕه‌كی نه‌ورۆز له ڕانیه گه‌ێندرایه نه‌خۆشخانه‌ی گشتی ڕانیه، كه كه‌مێك باری ده‌روونی تێك چووبوو بۆ ئه‌م مه‌به‌سته‌ش چاره‌سه‌ری پێویستی بۆ كرا.
ئافره‌ته‌كه به پۆلیسی ڕاپه‌ڕینى ڕایگه‌یاندووه: كاتێك به ته‌نیا له ماڵه‌وه بووم دوو ئافره‌ت كه ده‌م و چاوی خۆیان داپۆشیبوو هاتنه سه‌ر ماڵه‌كه‌م و یه‌كێكیان چه‌قۆی خسته سه‌ر ملم و له‌ژێر هه‌ڕه‌شه‌ی كوشتندا بڕێك پاره و ئاڵتونمان هه‌بوو هه‌موویان برد.
له‌باره‌ی ڕووداوه‌كه‌شه‌وه پۆلیسى ڕاپه‌ڕین ڕایگه‌یاندووه: په‌ڕاوی لێكۆڵینه‌وه بۆ ڕووداوه‌كه كراوه‌ته‌وه و به‌دواداچوون له ڕووداوه‌كه به‌رده‌وامه.
کۆمێنت (0)
تا ئێستا هیچ کۆمێنتێک نەکراوە.