به‌رێوه‌به‌رایه‌تی ئاوی هه‌ولێر: بۆڕیی ئاوی ئیفراز سێ شکا

  په‌یامنێری كوردستان تیڤى رایگه‌یاند: به‌ره‌به‌یانی ئه‌مڕۆ دووشه‌مه‌ 28 - 6 - 2021 ،  جارێكى دیكه‌ بۆری ئاوى ئیفراز سێ شكا.
 هه‌روه‌ها راشیگه‌یاند: له‌  ئێستادا  تیمه‌كانى به‌ڕێوه‌به‌رایه‌تی ئاو و ئاوه‌ڕۆى هه‌ولێر سه‌رقاڵى چاككردنه‌وه‌ى بۆرییه‌كه‌ن.
به‌ڕێوه‌به‌رایه‌تی ئاوی هه‌ولێریش رایده‌گه‌ێنێت:  شكانی بۆڕی ئاوی  ئیفرازی سێی هه‌ولێر ، 40%ی دانیشتووانی سەنتەری شاری هەولێر بێ ئاو ده‌كات.
راشیده‌گه‌یه‌نن: تیمه‌كانی سه‌ر  چاککردنەوەمان ناردووە بۆ ئەوەی بە زووترین کات چاکبکرێتەوە.
راشیده‌گه‌یه‌نن: چاککردنەوەی بۆڕیی ئاوی ئیفرازی سێ نزیك به‌ 24 كاتژمێری ده‌وێت ، هه‌روه‌ها، پڕبوونەوەی بۆڕییەکەش لە ئاو، پێویستی بە 24 كاتژمێری دیكه‌ ده‌بێت، واتە ئەو بەشە كه‌ ده‌كاته‌ باكووری شاری هه‌ولێر 48 کاتژمێر بێ ئاو دەبێت كه‌ بریتین له‌ گەڕەکەکانی باکوور و رۆژئاوای شار.