به‌رپرسی یۆنامى له‌ هه‌رێمی کوردستان: هەماهەنگی زیاتر لەگەڵ پارێزگای هەولێر ده‌که‌ین

ئەمڕۆ چوارشەمە 2021.6.23، ئومێد خۆشناو، پارێزگاری هەولێر،  لەدیوانی پارێزگا، پیشوازی لە (ریكاردۆ رۆدرێگس) به‌رپرسی یۆنامى له‌ كوردستان كرد.
لە دیدارەکەدا، کە هه‌ریه‌ك له‌ بەڕێوەبەری EJCC و به‌ریوه‌به‌ری ئاو و ئاوه‌رۆكانی ده‌وروبه‌ر و كاروباری ناوخۆ ئاماده‌ی بوون، دوای ئەوەی گفتوگۆ لەڕەوشی ناوچه‌كه‌ به‌ گشتی و ئاوارە و پەنابەران و دابینکردنی پێداویستی و چارەسەرکردنی کێشە و گرفتەکانی کەمپەکانیان، هەردولا جەختیان لەسەر هەماهەنگی و هاوکاری زیاتری نێوان پارێزگای هەولێر و یۆنامى کردەوە. پارێزگاری هەولێر، وێڕاى به‌خێرهێنانى به‌رپرسى یۆنامى له‌كوردستان، دەستخۆشی لە رێكخراوی ناوبراو كرد بۆ هەموو ئەم هەماهەنگی و هاوكارییەی لەگەڵ پارێزگای هەولێر ئەنجامیداوە.
لەلایەن خۆیەوە (ریكاردۆ رۆدرێگس) به‌رپرسی یۆنامى له‌ كوردستان، خۆشحاڵیی خۆی بەم دیدارە دووپاتكردەوە و ئامادەیی خۆشیانى بۆ هەماهەنگیی زیاتر لەگەڵ پارێزگای هەولێر نیشاندا.