پرۆژێن خزمه‌تگوزارى بۆ چار گۆندێن قه‌زا به‌رده‌ره‌ش دێ هێنه‌ بجهئینان

لژێر چاڤدێرى و سه‌رپه‌رشتیا  “د.عه‌لى ته‌ته‌ر” پارێزگارێ دهۆكێ (صندوقا گه‌شه‌پێدانا چڤاكى) تایێ دهۆكێ ده‌ست ب خزمه‌تكرنا گۆندێن پارێزگه‌هێ كر، پشتى زوربه‌یى پرۆژێن سالا بورى ل هنده‌ك گۆندێن سنۆرێ پارێزگه‌هێ دا ب دووماهى هاتین كو بوویه‌ جهێ دلخووشی و رازیبوونا  خه‌لكێ وان ده‌ڤه‌ران.
 له‌ورا ژبۆ به‌رده‌وامیا گه‌شه‌پێدان پارێزگه‌ها دهۆكێ‌ ب هه‌موو گۆند و ناحیه‌ و باژێرێن خوه‌ ڤه‌ ئه‌ڤرۆ ژى بهه‌ڤكاریا رێڤه‌به‌ریا ئامارا دهۆكێ و لدویڤ پلان و رێكخستنه‌كا رێكوپێك ده‌ست ب قۆناغا ئێكێ یا خزمه‌تكرنا گۆندێن سه‌ر ب قه‌زایا به‌رده‌ره‌ش هاته‌كرن ئه‌وژی گۆندێن كۆنه‌باك ،دوگوندان مه‌زن، شێخانۆكاسورچى، يسماوه‌ كو قۆناغا ئێكێ دێ ئه‌نجوومه‌نه‌ك بۆ گۆندى هێته‌ هه‌لبژارتن و  ل دووماهیێ برێیا خه‌لكێ گۆندى پرۆژه‌ دهێنه‌ ده‌ستنیشانكرن  ب رێیا هه‌لبژارتنان پێخه‌مه‌ت باشترین خزمه‌ت لدویڤ پێدڤیا گۆندى دا بهێنه‌ جیبه‌جێكرن، هه‌لبه‌ت هه‌ر پێنگاڤه‌كا دهێته‌ هاڤێتن ژبۆ باشترین خزمه‌ت و ئاڤادانكرنا كوردستانێ كو گۆندێن سنورێ پارێزگه‌هێ پشكه‌كن ژ ڤێ پێشڤه‌چوونێ .
بۆ زانین د ماوێ ئه‌ڤ ساله‌دا 10 گۆند هاتینه‌ ده‌ستنیشانكرن ‌ كو پرۆژێن خزمه‌تگۆزارى ب هه‌ڤكارى ل گه‌ل هه‌ردو وه‌زاره‌تێن پلان دانانا عیراقێ و یا حكومه‌تا هه‌رێما كوردستانێ و ب رێیا كارگێریا خوجهى ل پارێزگه‌ها دهۆكێ دێ بۆ هێنه‌ بجهئینان.