لهراگهیاندراوێكدا وهزارهتی كارهبای ههرێمی كوردستان بڵاوی كردهوه: کامیل قەزاز بریکاری وەزارەتی کارەبا، رۆژی یەکشەممە 13 حوزەیرانی 2021، بەمەبەستی ئاگاداربوون لە چۆنییەتی بەستنی پێوەری زیرەک سەردانی لیژنەکانی بەستنی پێوەرەکە لە گەرمیان و بەڕێوبەرایەتی گشتی کارەبای ناوچەکە کرد.
وهزارهتی كارهبا ئاماژه بۆ ئهوهش دهكات: قۆناغەکانی دانان و کارکردنی پێوەری زیرەک بۆ هاوبەشانی کارەبا لە گەرمیان و چۆنییەتی بەستنی ئەم پێوەرە بابەتی سەرەکیی سەردانی بریکاری وەزیر و تەوەری کۆبوونەوەی لەگەڵ لیژنەی باڵای پێوەری زیرەک لە گەرمیان بوو.
وهزارهت راشیدهگهێنێت: تا ئێستا نزیکەی 50% هاوبەشانی کارەبا لە هەرێمی کوردستان بوونەتە خاوەن پێوەری زیرەک کە دەکاتە نزیکەی 700 هەزار هاوبەشی کارەبا.
شوان عهزیز
کۆمێنت (0)
تا ئێستا هیچ کۆمێنتێک نەکراوە.