به‌ڵگه‌نامه‌یه‌كی فه‌رمی ئاماری پێكدادانه‌كانی نێوان خۆپیشانده‌ران و هێزه ئه‌منییه‌كانی له گۆڕه‌پانی ته‌حریر له به‌غدای پایته‌خت كه ئێواره‌ی دوێنێ به‌ڕێوه‌چوو، ئاشكرا كردووه.
به‌گوێره‌ی به‌ڵگه‌نامه‌كه كه وێنه‌یه‌كی ده‌ست میدیا عێراقییه‌كان كه‌وتووه ژماره‌ی برینداربوونی ئه‌فسه‌ران و كارمه‌ندانی هێزه ئه‌منییه‌كانی عێراق گه‌یشتۆته 17 كه‌س و 9 هاووڵاتی مه‌ده‌نیش برینداربوون، هاوكات دوو هاووڵاتیی به‌هۆی ته‌قه‌كردنه‌وه كوژراون.
شایانی باسه ئێواره‌ی دوێنێ سێشه‌ممه به سه‌دان خۆپیشانده‌ر له گۆڕه‌پانی ته‌حریری به‌غدای پایته‌خت گردبوونه‌وه‌و داوای ئاشكراكردنی بكوژانی چالاكوانان و خۆپیشانده‌رانیان ده‌كرد،له ئاكامدا گرژی كه‌وته نێوان خۆپیشانده‌ران و هێزه ئه‌منییه‌كان.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.