پێنچ رێڤه‌به‌رێن ناوچه‌داریێن پارێزگه‌ها دهۆکێ هاتنه‌ گوهورین

دچارچوڤێ وان گوهورینێن به‌رده‌وام یێن دناڤ دام وده‌زگه‌هێن حكومه‌تا هه‌رێما كوردستانێ دا  ل سنورێ پارێزگه‌ها دهۆكێ دهێنه‌ ئه‌نجامدان ئه‌ڤرۆ به‌رى نیڤرو 18-5-2021ل كوچكا مێهڤانداریا  ب ئاماده‌بونا  د. على ته‌ته‌ر پارێزگارێ دهۆكێ وده‌ڤه‌ردارێن دهوك وئاكرێ وئامێدیێ مه‌راسیمێن ده‌ست ب كاربونا  پێنچ رێڤه‌به‌رێن ناوچه‌داریان  (مانگێشكێ وزاویته‌ وگرده‌سین وبجێل وشێلادزێ )  هاتنه‌ گێران .
پارێزگارێ دهۆكێ دپه‌یڤه‌كێدا گوت: گوهورین دناڤ ده‌زگه‌هێن میرى دا تشته‌كێ ئه‌رێنى  وسروشتیه‌ وچه‌ند شیره‌ت وئاموژگارى ئاراسته‌ى رێڤه‌به‌رێن نوو یێن هه‌ر پێنچ ناوچه‌داریان كرن وته‌كه‌زكر كو هه‌ر كار وخزمه‌ته‌كا بهێته‌ پێشكێشكرن دڤێت دچارچوڤێ رێنما وقانونێن حكومه‌تا هه‌رێما كوردستانێ دابن ورێگرى ل هه‌موو زێده‌گاڤیا بهێته‌ گرتن وب یه‌كسانى وبباشترین شێوه‌ وب رێزگرتن  خزمه‌تا گشتى یا هه‌موو هاولاتیان بهێته‌ كرن وپشته‌ڤانیا پارێزگه‌هێ نیشان دا بو هه‌ر هاریكاریه‌كێ وسه‌ركه‌فتن بو هه‌موویان خواست.
ل دوماهیێ فه‌رمانێن كارگێرى یێن ده‌ست ب كاربونا هه‌موو رێڤه‌به‌رێن ناوچه‌داریا  هاتنه‌ راده‌ستكرن.
وبڤى ره‌نگ :-
1-ئیدریس محه‌مه‌د رێڤه‌به‌رێ ناوچداریا زاویته‌.
2- بریندار حه‌یده‌ر رێڤه‌به‌رێ ناوچه‌داریا مانگێشكێ.
3- رزگار عوبێد رێڤه‌به‌رێ ناوچه‌داریا شێلادزێ.
4- ئه‌حمرد سولێمان رێڤه‌به‌رێ ناوچه‌داریا گرده‌سین.
5- منهل مۆفه‌ق شهه‌اب رێڤه‌به‌رێ ناوچداریا بجێل.