ماوه‌یه‌كه خۆپێشاندان له به‌غدا و پارێزگاكانی خوارووی عێراق ده‌ستیپێكردۆته‌وه، به‌هۆی نه‌بوونی خزمه‌تگوزاری و به‌تایبه‌ت پچڕانی به‌رده‌وامی كاره‌با.
شه‌وی ڕابردوو به ده‌یان كه‌س له ناوچه‌ی شه‌قامی فه‌ڵه‌ستین له ڕۆژهه‌ڵاتی شاری به‌غدا ده‌ستیان كرد به خۆپێشاندان له دژی حكومه‌ته‌كه‌ی مسته‌فا كازمی هاواریان ده‌كرد و داوایان كرد لێپێچینه‌وه له گه‌نده‌ڵكاران بكرێت و سه‌رزه‌نشتی حكومه‌تیان ده‌كرد ده‌رباره‌ی خراپی خزمه‌تگوزاری و نه‌بوونی كاره‌با.
تیمەکانی ئاسایشی ناوچه‌كه هه‌وڵیاندا بڵاوه به خۆپێشانده‌ران بكه‌ن، به‌ڵام تا ده‌هات ژماره‌یان به‌ره‌و زیادبوون ده‌چوو ئه‌وانیش له‌ترسی به‌رفراوانبوونی خۆپێشاندانه‌كان تەقەیان لە خۆپیشانه‌ران كرد و به‌هۆیه‌وه سێ كه‌س به‌سه‌ختی برینداربوون.
ماوه‌یه‌كه خۆپێشاندان له به‌غدا و پارێزگاكانی خوارووی عێراق ده‌ستیپێكردۆته‌وه و داوای ده‌ستله‌كاركێشانه‌وه‌ی مسته‌فا كازمی سه‌رۆك وه‌زیرانی عێراق ده‌كه‌ن به‌هۆی نه‌بوونی خزمه‌تگوزاری و به‌تایبه‌ت پچڕانی به‌رده‌وامی كاره‌با و جێبه‌جێ نه‌كردنی به‌ڵێنه‌كانیان.
کۆمێنت (0)
تا ئێستا هیچ کۆمێنتێک نەکراوە.