له ده‌ست پێكی گه‌ری سی وسێیه‌مینی خولی یانه‌كانی ئینگلته‌را یانه‌ی ئارسنال له ناو یاریگای خۆی به یانه‌ی ئێڤه‌رتۆن دۆراو سێ خالی یاریه‌كه‌ی پێشكه‌ش به میوانه‌كه‌ی كرد .
یارییه‌كه له‌سه‌ر یاریگای ئیمارات له له‌نده‌ن به‌رێوه‌چوو ، له گێمی یه‌كه‌م وێرای هه‌وڵی یاریزانانی هه‌ردوو یانه بۆ تۆمار كردنی گۆل به‌لام له‌م گێمه هیچ گۆلێك تۆمار نه‌كرا .
له گێمی دووه‌م فشاره‌كانی هه‌ردوو یانه بۆ سه‌ر گۆلی یه‌كتری درێژه‌ی هه‌بوو ، له خوله‌كی حه‌فتاو شه‌ش و له ئه‌نجامی هێرشێكی یانه‌ی ئێڤه‌رتۆن یاریزانی ئارسنال بێرند لینر به‌هه‌له گۆلێكی له‌سه‌ر خۆیان تۆمار كردو بردنه‌وه‌و سێ خالی یاریه‌كه‌ی به‌خشیه میوانه‌كان .
به‌م بردنه‌وه‌یه‌ش یانه‌ی ئێڤه‌رتۆن پازده‌مین یاریه له‌م وه‌رزه ده‌باته‌وه‌و خاوه‌نی په‌نجاو دوو خاله‌و له پله‌ی هه‌شته‌می ریزبه‌ندی دێت ، یانه‌ی ئارسنالیش تووشی سێزده‌هه‌مین دۆراندن هات و به چلوشه‌ش خال له پله‌ی نۆیه‌م مایه‌وه .
کۆمێنت (0)
تا ئێستا هیچ کۆمێنتێک نەکراوە.