ئێران هاووڵاتییه‌كی خه‌ڵكی دیوانده‌ره له‌به‌ندینخانه‌ی بیر جه‌ند له‌پارێزگای خۆراسان له‌سێداره‌دا .
رێكخراوی هه‌نگاو بۆ مافه‌كانی مرۆڤ بڵاوی كرده‌وه: به‌ره‌به‌یانی رۆژی دووشه‌ممه 12 ى 4 ى 2021 ، ئێران سزای سێدارەی هاووڵاتییەکی خەڵکی دیواندەرە بە ناوی "ئەرسەلان مورادی" لە بەندیخانەی ناوەندیی بیرجەند، له‌ناوەندی پارێزگای خوراسانی باشوور، جێبەجێ کرد .
بە وتەی سەرچاوەیەکی ئاگادار كه‌به‌هه‌نگاوی راگه‌یاندووه: ئەرسەلان مورادی دوو ساڵ پێش لە خوراسانی باشوور دەستبەسەر کراوە و لە لایەن دەزگای دادوەری کۆماری ئیسلامیی ئێرانەوە بە تۆمەتی تاوانەکانی پێوەندیدار بە مادەی هۆشبەرەوە سزای سێدارەی بەسەردا سەپابوو.
هه‌روه‌ها ئەندامێکی بنەماڵەی مورادی لەم بارەوە بە هەنگاوی راگەیاندووه: کە بەرپرسانی بەندیخانەی بیرجەند تەنانەت رێگەیان نەداوە کە ئەرسەلان بۆ دوایین جار لە گەڵ بنەماڵەکەی چاوپێکەوتن بکات.
کۆمێنت (0)
تا ئێستا هیچ کۆمێنتێک نەکراوە.