له‌پاڵاوتنه‌کانی ئه‌وروپا پۆڵه‌ندا ده‌بێته‌ میوانی ئینگڵته‌را

 
 له‌ پاڵاوتنه‌كانی كیشوه‌ری ئه‌وروپا بۆ گه‌یشتن به‌ كۆتاییه‌كانی جامی جیهانی دووهه‌زاروبیستودووی قه‌ته‌ر، شه‌وی چوارشه‌ممه، هه‌ڵبژارده‌ی پۆڵه‌ندا ده‌بێته‌ میوانی هه‌ڵبژارده‌ی ئینگلته‌را.
 ڕۆبێرت لیڤاندۆڤسكی ئه‌ستێره‌و گۆڵكاری پۆڵه‌ندا به‌هۆی پێكان به‌شداری له‌ یاریه‌كه‌ ناكات، لیڤاندۆڤسكی له‌ یاری ڕابردووی هه‌ڵبژارده‌ی وڵاته‌كه‌ی له‌به‌رامبه‌ر هه‌ڵبژارده‌ی ئه‌ندۆرا، ئه‌ژنۆی ڕاستی دووچاری پێكان هات و له‌ خوله‌كی 63 دا یاریگای جێهێشت.
 پێكانی هێرشبه‌ره‌كه‌ سه‌خت نیه‌و چاوه‌ڕوان ده‌كرێت هه‌فته‌ی داهاتوو بگه‌ڕێته‌وه‌ یاریگاكان.
 جێگای باسه‌ لیڤاندۆڤسكی ته‌مه‌ن سیی و دوو ساڵ ئاستێكی به‌رزی له‌ ڕكابه‌ریه‌كانی ئه‌م وه‌رزه‌ پێشكه‌شكردوه‌و سیی و پێنج گۆڵی بۆ یانه‌ی بایرن میونشن له‌م وه‌رزه‌ی بۆندسلیگا تۆماركردووه‌و له‌ پێشه‌نگی ڕیزبه‌ندی گۆڵكارانی خوله‌كه‌ دێت.