پارێزگارێ دهۆکێ دگەل لایەنێن سیاسی ل پارێزگەهێ ل دۆر رەوشا کۆرۆنایێ کۆمبوو

ئەڤرو روژا دووشەمبی رێکەفتی ٢٠٢١/٣/٢٩ ب سەرپەرشتیا  "د.عەلی تەتەر " پارێزگارێ دهۆکێ ب بەرهەڤبونا رێڤەبەرێ گشتیێ ساخلەمیا پارێزگەها دهوکێ دگەل  لایەنێن سیاسی یێن ل سنورێ پارێزگەها دهوکێ کاردکەن کومبوو، د کومبوندا پارێزگارێ دهوکێ راگەهاند :-
ئەم کۆمبوینە ژبو بابەتەکێ گرنگێ مروڤایەتی کو گرێدای ژیانا مە هەمیانە و ئەولەویەتامە پاراستنا گیانێ مروڤانە ب مخابنیڤە توشبونا حالەتێن کورونایێ بەر ب زێدەبونێ نە و رێژا پێگیریێ ب رێنمایێن ساخلەمیێ کێم بویە، لەوما مە ل حکومەتا هەرێما کوردستانێ رێنمایێن مروڤایەتی بو پاراستنا گیانێ هاولاتیان دەرئێخستینە 
هیڤیدارین هێز و لایەنێ سیاسی هاریکاریامە بکەن د هوشیاریا جفاکی و گشتی دا و پێگیربن ب رێنمایێن خوپارێزیێ ب ساخلەمیێ و کادرو ئەندام و لایەنگرێن خو بو جێبەجێکرنا رێنمایان و پاراستنا خو و کەسوکارێن خو راسپێرن بو هوشیاریێ و هیڤیدارین کارو چالاکی و هەلکەفتان نەگێرن و پتر پەنایێ بو ساخکرنا وان هەلکەفتان ببەنە بەر رێکێن ئەلکترونی چونکە ئارمانجا لایەنێن سیاسی خزمەتکرنا خەلکیە و دنوکەدا گیانێ هاولاتیان بپارێزن ژڤی ڤایروسێ کوشندە، ژبو مەهەمیان گەلەکا گرنگە و مەزنترین ئاریشا لبەردەم وەلاتێ مەو مروڤایەتیێ ئەڤ ڤایروسەیە، لەومان دوبارە هیڤیدارین خو کەسوکار و خێزان و دەوروبەر و هەموو جفاکی ب پارێزن 
ل دوماهیێ پارێزگارێ دهوکێ گوهداریا پێشنیار و تێبینی یێن لایەنێن سیاسی بو بجهئینانا رێنمایان کر
ژلایێ خوڤە لایەنێن سیاسی ل پارێزگەها دهوکێ پشتەڤانیاخو بو رێنمایێن حکومەتا هەرێما کوردستانێ دیارکر  ب رێکێن خو هەموو هەولا دێ دەین هوشیاریا گشتی بو خوپاراستنێ ژڤایروسێ کورونایێ جێبەجێ بکەین.