وەزارەتى پەروەردەى حکومەتى هەرێمی كوردستان رایدەگەیەنێت: تا 8ى 4 ى 2021 ، دەوام لەقوتابخانه‌كان راگیرا، جگە لە قۆناغى 12ى ئامادەیى و پەیمانگاکانى سەر بە وەزارەتى پەروردە.
لە راگەیەنراوێکدا وەزارەتى پەروەردە بڵاوی كرده‌وه: لەبەر زیادبوونی رێژەی تووشبوون و مردن بە ڤایرۆسی کۆرۆنا، ئاماژە بە هەڵسەنگاندنی تەندروستی، بریاردرا تا (8 ى 4 ى 2021 ، دەوام لە ناوەندەکانى خوێندن رابگیرێت، جگە لە قۆناغى 12ى ئامادەیى و پەیمانگاکانى سەر بە وەزارەتى پەروه‌ردە.
ده‌قی راگه‌یاندراوی وه‌زاره‌تى په‌روه‌رده:
پاڵپشت بەو دەسەڵاتەی پێماندراوە لە کۆبوونەوەی لیژنەی باڵای رووبەرووبونەوەی کۆرۆنا لە رێکكەوتی ١ ی ٣ ی ٢٠٢١، وە لە کۆبوونەوەی ئەمرۆ پێنج شەممە رێککەوتی ٢٥ ی ٣ ی ٢٠٢١، بەرێزان ( وەزیری پەروەردە و بریکاری وەزارەت و بەرێوەبەری گشتی پەروەردەی پارێزگاکان ) ، لەبەر زیادبوونی رێژەی تووشبوون ومردن بە ڤایرۆسی کۆرۆنا ، ئاماژە بە هەڵسەنگاندنی تەندروستی، بریاردرا :
١- جگە لە قۆناغی ١٢ی ئامادەیی و پەیمانگاکانی سەر بە وەزارەتی پەروەردە ( حکومی - ناحکومی ) سەرجەم قۆناغەکانی دیکەی خوێندن دەوام تا رێککەوتی ٨ ی ٤ ی ٢٠٢١، تەنها بۆ ئەنجامدانی هەڵسەنگاندنی بازنەی یەکەم و تاقیکردنەوەکانی (٢٠) نمرەی نوسینەکی لە قوتابخانە حکومییەکان و تاقیکردنەوەی کۆتایی وەرز لە قوتابخانە ناحکومییەکان دەبێت . پاشان لە کۆبوونەوەی لیژنەی باڵای کۆرۆنا هەڵسەنگاندنی نوێ بۆ دۆخی تەندروستی دەکرێتەوە.
٢ - هەموو ئەو قوتابخانە حکومیانەی هەڵسەنگاندنی بازنەی یەکەم و تاقیکردنەوەی(٢٠) نمرەی نووسینەکیان کردووە دەوامیان
تا ٨ی ٤ی ٢٠٢١، رادەگیرێت .
وەزارەتی پەروەردە
٢٥ ی ٣ ی ٢٠٢١
کۆمێنت (0)
تا ئێستا هیچ کۆمێنتێک نەکراوە.