پۆلیسی هەولێر رایدەگەیەنێت؛ کەسێک لەسەر کێشەی کۆمەڵایەتی "بە ئەنقەست" بە ئۆتۆمبێلەکەى لە کەسێکی دیکەی داوە و کوشتوویەتی.
لە راگەیەنراوێکدا به‌رێوه‌به‌رایه‌تی پۆلیسی هەولێربڵاوی كرده‌وه، هێزەکانمان دوای ئاگادارکردنەوەیان لە بوونی کێشەیەکی کۆمەڵایەتی، تۆمەتبارێکی دانیشتووی شاوێس بە ناوی (ع. ح. ا) کە لەسەر رێگەی پیرمام "بە ئەنقەست و بە خێراییەکی زۆر هاووڵاتییەکی بەناوی س، ع، ح کردووە بە ژێرەوە و دواتر گیانی لەدەستداوە.
پۆلیسی هەولێر راشیده‌گه‌ێنێت: دەستبەجێ دەستیان بە لێکۆڵینەوە کردووە و توانیویانە تۆمەتباری ناوبراو، کە لە شوێنی رووداوەکە هەڵاتبوو، لە ماوەی کەمتر لە سێ کاتژمێر دەستگیربکەن.
ئاماژه بۆ ئه‌وه‌ش ده‌كه‌ن: كه‌دوو ئافرەتیان بە ناوەکانی (ن. ر. ح) و (ز. ا. ع) بە تۆمەتی بوونی پەیوەندی بەو رووداوە دەستگیرکردووە، هەرسێکیشیان بە مەبەستی وەرگرتنی رێکاری یاسایی بەرامبەریان، رادەستی دادگا کراون.
کۆمێنت (0)
تا ئێستا هیچ کۆمێنتێک نەکراوە.