له ده‌ست پێكی گه‌ری بیست و هه‌شته‌مینی خولی یانه‌كانی ئیسپانیا یانه‌ی رال بێتس له‌سه‌ر یاریگای بینتۆ ڤیامارین میوانداری یانه‌ی لیڤانتی كردو به تۆمار كردنی دوو گۆل سه‌ركه‌وتنی به‌ده‌ست هێناو سێ خالی یاریه‌كه‌ی له میوانه‌كه‌ی وه‌رگرت .
یاریزانانی ریال بێتس به هێرش و فشار بۆ سه‌ر گۆلی لیڤانتی ده‌ستیان به‌یاریه‌كه كرد به‌لام له گێمی یه‌كه‌م نه‌یان توانی هیچ گۆلێك تۆمار بكه‌ن .
له گێمی دووه‌م فشاره‌كانی خاوه‌ن یاریگا درێژه‌یان هه‌بوو تا له خوله‌كی حه‌فتا نه‌بیل فه‌قیری فه‌ره‌نسی گۆلی یه‌كه‌می بۆ ریال بێتس تۆمار كرد ، پێنج خوله‌ك دواتر خوان میگێل خیمێنێزی ئیسپانی به تۆمار كردنی گۆلی دووه‌م دلنیایی سه‌ركه‌وتنی به‌خشیه یانه‌كه‌ی و ریال بێتس چوارده‌هه‌مین بردنه‌وه‌ی له‌م وه‌رزه‌ی خوله‌كه‌ی به‌ده‌ست هێناو سه‌ركه‌وت بۆ پله‌ی شه‌شه‌مینی ریزبه‌ندی كۆی خاله‌كانی گه‌یانده چل و پێنج خال ، هه‌رچی یانه‌ی لیڤانتیه تووشی نۆیه‌م دۆراندن هات و خاوه‌نی سیو پێنج خاله‌و له‌پله‌ی نۆیه‌می ریزبه‌ندی مایه‌وه.
ریال بێتس سه‌رکه‌وتنی به‌سه‌ر لیڤانتی تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.