ئه‌ڤرو سپێدێ 18-3-2021 د.على ته‌ته‌ر پارێزگارێ دهۆكێ ب ئاماده‌بونا ماجد سه‌ید صالح جێگرێ پارێزگارێ دهۆكێ بو كاروبارێن ته‌كنیكى ب وه‌كاله‌ت سه‌رپه‌رشتیا كۆمبوونا لیژنا ئه‌منى ل پارێزگه‌ها دهۆكێ كر.
دكۆمبوونێدا به‌حسێ رۆژێن بێهنڤه‌دانا جه‌ژنا نه‌وروزێ ورێكارێن لیژنا ئه‌منى ل دور رێكخستنا هاتن وچونا گشتى یا هاولاتیان و پاراستنا ژینگه‌هێ و سامان وژیانا هاولاتییان وپێگریكرن ب رێنمایێن خو پارێزیێ ژڤایروسێ كورنایێ ب گشتى هاتنه گه‌نگه‌شكرن .
هه‌ر دكۆمبوونێدا چه‌ند رێنمایێن نوو هاتنه ده‌ركرن وداخاز ژ هاولاتییان هاته كرن پێگریێ ب وان رێنمایا بكه‌ن دا بێهنڤه‌دانه‌كا ئارام ودوورى رودان ده‌ربازكه‌ن.
پاش ماجد سه‌ید صالح جێگرێ پارێزگارێ دهۆكێ بو كاروبارێن ته‌كنیكى ب وه‌كاله‌ت ل دور ئه‌نجامێن كۆمبوونێ ئاخفت گوت: ب سه‌رپه‌رشتیا پارێزگارێ دهۆكێ كۆموونا لیژنا ئه‌منى هاته ئه‌نجامدان وچه‌ند رێنمایێن نوو هاتنه ده‌ركرن ومه وه‌كو پارێزگه‌ها دهۆكێ وحكومه‌تا هه‌رێمێ مه چ مه‌راسیمێن فه‌رمى بو جه‌ژنا نه‌وروزێ نینن وئاگر نا هێنه هه‌لكرن وئاهه‌نگ وخرڤه‌بوون ناهێنه گێران لێ رێك ل هه‌مبه‌ر جه‌ماوه‌ریى نا هێته گرتن كو ڤێ هه‌لكه‌فتا نه‌ته‌وه‌یى ساخبكه‌ن .
هه‌روه‌سا گوت: نابیت كه‌ره‌ستێن پلاستیكى وتایره بهێنه سوتن ودڤێت ژینگه‌ه ودار ودارستان بهێنه پاراستن ، وته‌قه‌كرن وداربرین قه‌ده‌غه‌یه وسه‌رپێچكار دێ هێنه سزادان هه‌روه‌سا هه‌موو هاولاتى پێگریێ ب رێنمایێن خو پارێزیێ ژڤایروسێ كورونایێ بكه‌ن چونكو ڤایروسێ نوو بله‌زتر به‌لاڤدبیت وخواست هه‌موو هاولاتى جه‌ژنا نه‌وروزێ ب ئارامى وخوش وشادى ده‌ربازكه‌ن وسالا نوو یا كوردى ل هه‌موو خه‌لكێ پارێزگه‌هێ پیروزكر.
ب سه‌رپه‌رشتیا پارێزگارێ دهۆکێ کۆموونا لیژنا ئه‌منى هاته ئه‌نجامدان وچه‌ند رێنمایێن نوو بو رۆژێن جه‌ژنا نه‌وروزێ هاتنه ده‌رکرن
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.