له‌راگه‌یاندراوێكدا ژووری ئۆپەراسیۆنی ئیدارەی گەرمیان بۆ رووبەرووبوونەوەی ڤایرۆسی كۆرۆنا بڵاوی كرده‌وه: جەژنی نەورۆز و سەری ساڵی نوێی کوردی، جەژنى نەتەوەیی کوردە و بەرز و پیرۆز رادەگیرێت، بەڵام بەھۆی رێکارەکانی خۆپارێزی ھیچ بۆنە و ئاھەنگێک ساز نادرێت، تەنھا رێورەسمی كردنەوەی ئاگری نەورۆز لەلایەن بەڕێوەبەرایەتیی گشتیی گەشتوگوزاری گەرمیانەوە لەسەر قەڵای شێروانە، بەبێ ئامادەبوونی بەرپرسان و ھاوڵاتییان و دوور لە قەرەباڵغی ئەنجامدەدرێت.
ژووری ئۆپەراسیۆنی یٔیدارەی گەرمیان راشیده‌گه‌یه‌نن: دانانی پرسە لە ناو گەڕەكەكان بە قەدەغەكراوی دەمێنێتەوە بە تایبەت دانانی خێمە بەھەموو شێوەیەک رێگەپێنەدراوە، داوا لە ھاوڵاتییان دەکەین بۆ ئەو مەبەستە ھاوکارمان بن.
داواش له هاوڵاتییان دەکات خۆیان بە دووربگرن لە دروستكردنی قەرەباڵغی، بە تایبەت خێزانەکان لەشوێنە گەشتیارییەکاندا پێویستە پابەندبن بە رەچاوکردنی دووری نێوانیان.
کۆمێنت (0)
تا ئێستا هیچ کۆمێنتێک نەکراوە.