شه‌وی رابردوو له‌میانه‌ی رێوره‌سمه‌كانی چوارشه‌ممه‌ی سوور له‌ئێران 8 كه‌س گیانیان له‌ده‌ستداو زیاتر له هه‌زارو 300 كه‌سیش برینداربوون،87 كه‌سیش له‌وانه به‌شێكی جه‌سته‌یان له‌ده‌ستداوه.
ده‌زگا راگه‌یاندنه‌كانی ئێران به‌یانی ئه‌مڕۆ چوارشه‌ممه بڵاویان كرده‌وه كه 8 كه‌س له‌میانه‌ی رێوره‌سمه‌كانی چوارشه‌ممه‌ی سوور گیانیان له‌ده‌ست داوه‌و زیاتر له هه‌زار و 300 كه‌سیش برینداربوون.
له‌مباره‌یه‌وه میر حسێن كولیفاند،سه‌رۆكی خزمه‌تگوزاری فریاكه‌وتن گوتی: له‌نێوان هه‌زارو 300 برینداره‌كه 86 كه‌سیان به‌هۆی یارییه ئاگرینه‌كان به‌شێك له جه‌سته‌یان له‌ده‌ست داوه.
شایانی باسه رێوره‌سمه‌كه له‌كاتی رۆژئاوابوونی دوێنێ سێشه‌ممه ده‌ستی پێكردووه‌و تا دره‌نگانی شه‌و به‌رده‌وام بووه.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.