له ئه‌نجامێكی چاوه‌ڕوان نه‌كراوی هه‌فته‌ی بیست وچواره‌می خولی یانه‌كانی ئیسپانیا، یانه‌ی ئه‌تله‌تیكۆ مه‌دریدی پێشه‌نگی ڕیزبه‌ندی له‌سه‌ر یاریگای خۆی شكستی هێناو به دوو گۆڵی بێ به‌رامبه‌ر به یانه‌ی لیڤانتی دۆڕا.
یاریزانانی هه‌ردوو تیپ به شێوه‌یه‌كی به‌هێز ده‌ستیان به ڕووبه‌ڕوو بوونه‌وه‌كه كردو چه‌ندین هێرشیان كرده سه‌ر گۆڵی یه‌كتر، تا له خوله‌كی سییدا، یاریزان خۆسێ لویس مۆرالێس ده‌رفه‌تێكی قۆسته‌وه‌و گۆڵێكی بۆ لیڤانتی تۆماركردو گێمی یه‌كه‌م به‌م ئه‌نجامه به سوودی میوانه‌كان ته‌واوبوو.
له گێمی دووه‌میش یاریزانانی ئه‌تله‌تیكۆ ته‌واوی تواناو هه‌وڵه‌كانیان بۆ یه‌كسان كردنه‌وه‌ی ئه‌نجامی یاری خسته‌گه‌ڕ، به‌ڵام به‌رگریكاران و دانیێل كاردێناسی گۆڵپارێزی لیڤانتی به‌رپه‌رچی ته‌واوی هێرشه‌كانی ڕۆخی بلانكۆسیان دایه‌وه‌و تا كۆتایی گۆڵی تیپه‌كه‌یان به خاوێنی پاراست.
له دوایین خوله‌كی كاتی زیادكراوی یاریشدا، یاریزان خۆرخی دی فروتۆس دووركه‌وتنه‌وه‌و هاتنه‌ده‌ره‌وه‌ی یان ئۆبلاكی گۆڵپارێزی ئه‌تله‌تیكۆی له گۆڵه‌كه‌ی به ده‌رفه‌ت زانی و گۆڵی دووه‌می لیڤانتی به لێدانێك له ناوه‌ڕاستی یاریگاوه به‌ده‌ستهێنا.
به‌م بردنه‌وه‌ش كۆی خاڵه‌كانی لیڤانتی له پله‌ی هه‌شته‌می ڕیزبه‌ندی یانه‌كان بۆ سیی و یه‌ك خاڵ به‌رزبووه‌وه‌و ئه‌تله‌تیكۆ مه‌دریدیش دووه‌م یاری له‌م وه‌رزه‌ی لالیگا دۆڕاندو به په‌نجاوپێنج خاڵ له سه‌رووی لیستی ڕیزبه‌ند مایه‌وه .
لیڤانتی سه‌رکه‌وتنی به‌سه‌ر ئه‌تله‌تیکۆ مه‌درید تۆمار ده‌کات
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.