به‌ره‌به‌یانی ئه‌مڕۆ بوومه‌له‌رزه‌یه‌ك شارۆچكه‌ی ده‌ماوه‌ندی ئێرانی هه‌ژاند، تاكوئێستا زه‌ره‌ر و زیانه‌كانی ئه‌و بوومه‌له‌رزه‌یه دیار نییه.
ئاژانسی كه‌شناسی و بوومه‌له‌رزه‌زانی ئێران بڵاوی كرده‌وه، به‌ره‌به‌یانی ئه‌مڕۆ شه‌ممه بوومه‌له‌رزه‌یه‌ك به گوڕی چوارپله به پێوه‌ری رێخته‌ر، له دووری هه‌شت كیلۆمه‌تری شاری ده‌ماوه‌ند و په‌نجا و حه‌وت كیلۆمه‌تری تاران و نه‌وه‌د و چوار كیلۆمه‌تری مازه‌نده‌ران روویدا.
ناوه‌ندی كه‌شناسی و بوومه‌له‌رزه‌زانی ئێران بڵاوی كرده‌وه، تاكوئێستا زه‌ره‌ر و زیانه‌كانی ئه‌و بوومه‌له‌رزه‌یه دیار نییه و تیمه‌كانی به‌رگری شارستانی له ئاماده باشی ته‌واودان و ره‌وانه‌ی ئه‌و ناوچانه كراون.
کۆمێنت (0)
تا ئێستا هیچ کۆمێنتێک نەکراوە.