مەكتەبی سیاسی پارتی دیموكراتی كوردستان بۆ (35)ەمین ساڵیادی دامەزراندنی حزبی زەحمەتكێشانی كوردستان، په‌یامێكی پیرۆزبایی ئاراسته‌ی ئەندامانی مەكتەبی سیاسی و سەركردایەتی كرد ئه‌مه ده‌قه‌كه‌یه‌تی:
بەڕێزان/ هاوسەرۆكان و ئەندامانی مەكتەبی سیاسی و سەركردایەتی حزبی زەحمەتكێشانی كوردستان
بەبۆنەی (35)ەمین ساڵیادی دامەزراندنی حزبی زەحمەتکێشانی کوردستان پیرۆزباییەكی گەرمی خەبات و كۆڵنەدان لە ئێوە و سەرجەم كادیر و ئەندام و لایەنگرانی حزبە تێکۆشەرەکەتان دەكەین و، هیوادارین هەر بەردەوام و سەركەوتوو بن لە خەبات و تێكۆشانتان بۆ سەرخستنی دۆزی رەوای گەلەكەمان و بەدیهێنانی گشت مافە رەواكانی.
ئێمە كاتێك ئەو یادەتان پیرۆز دەكەین، جەخت دەكەینەوە لەسەر پتەوكردنی زیاتری هاوپەیمانێتی و یەكڕیزیی هەردوو لامان و سەرجەم هێزە سیاسی و نیشتیمانپەروەرەكانی کوردستان، هاوكات رەوشی گرنگ و هەستیاری ئەمڕۆی هەرێم وا پێویست دەكات زیاتر سووربین لەسەر هاوخەباتی و تەبایی بۆ پاراستنی دەسكەوتەكان و رەوشی ئارام و سەقامگیریی هەرێمی كوردستان و، خزمەتکردنی ھاوڵاتیانمان.
جارێكی دیكە پیرۆزباییتان لێدەكەین و هەر سەرفراز و سەركەوتوو بن ....
مەكتەبی سیاسی
پارتی دیموكراتی كوردستان
کۆمێنت (0)
تا ئێستا هیچ کۆمێنتێک نەکراوە.