خۆپیشانده‌ران باڵەخانەی پەروەردە و بنکەی هاتووچۆی قەزای شارەزووریان سووتاند

لە شارەکانی سەیدسادق و کفری و دوکان و تەکیە و خوڕماڵ و شارەزوور خۆپیشاندانی بەشێک لە ھاووڵاتیان بەڕێوەچوو، خۆپیشانده‌ران هێرشیان كردۆته‌ سه‌ر باره‌گای حزبی و حكوومییه‌كان.

ئەمڕۆ سێ شه‌ممه‌ له‌گه‌ڵ به‌رده‌وامی خۆپیشاندانه‌كان  خۆپێشاندان لە قەزای شارەزوور دەستیپێکرد و ژمارەیەک خۆپێشاندەر باڵەخانەی پەروەردە و بنکەی هاتووچۆی قەزای شارەزووریان سووتاند.

هه‌ر لە شارەزوور لەگەڵ بەردەوامی خۆپیشاندان دوای سووتاندنی پەروەردەی شارەزوور هەریەكە لە هاتوچۆی شارەزوور و ماڵی قائیمقامی شارەكە سووتێنران.

به‌پێی زانیارییه‌كانی كوردستان تیڤی، خۆپیشانده‌ران هێرشیان كردۆته‌ سه‌ر باره‌گای پارتی و یه‌كێتی و یه‌كگرتوو و بزوتنه‌وه‌ی ئیسلامی به‌شێك له‌ بینایه‌كان سووتێنراون.

دواتر خۆیپشانده‌ران هەوڵی سووتاندنی باڵەخانەی دادگاشیان دا، به‌ڵام هێزه‌ ئه‌منیه‌كان بڵاویان پێكردن.