پزیشکێکی دیاری هه‌ولێر به‌ ڤایرۆسی کۆڕۆنا گیانی له‌ده‌ستدا

پزیشكێكی دیار له‌ بواری نه‌شته‌رگه‌ری له‌ شاری هه‌ولێر دوای تووشبونی به‌ ڤایرۆسی كۆرۆنا گیانی له‌ده‌ستدا.

د.سامان به‌رزنجی وه‌زیری ته‌ندروستیی هه‌رێمی كوردستان له‌ پرسه‌نامه‌یه‌كدا سه‌ره‌خۆشی له‌ خانه‌واده‌كه‌ی ده‌كات و ڕایده‌گه‌ێنێت كه‌  (د. صائب گیلانی) پزیشکی پێشەنگ و پسپۆڕی ڕاوێژکار لە بواری نەشتەرگەری گشتی به‌ ڤایرۆسی كۆرۆنا گیانی له‌ده‌ستداوه‌.

وه‌زیری ته‌ندروستی  ڕاشیگه‌یاندووه‌ كه‌ خوالێخۆشبوو دڵسۆزانە و مرۆڤدۆستانە خاوەنی ئەزمونێکی زۆری خزمەتکردنی نەخۆش بوو لە بواری چارەسەری و ئەنجامدانی نەشتەرگەری و ڕۆڵی گەورەی هەبوو لە پڕۆسەی فێرکردن و پێگەیاندنی پسپۆڕی بۆ نەوەکانی پزیشکان.

شوان عه‌زیز