وڵاتێکى عەرەبى ڤاکسینەکەى کۆمپانیاى فایزەرى پەسەند کرد

ئاژانسى هەواڵى فەرمى بەحرەین بڵاویکردەوە،  دەستەى نیشتیمانى تەندروستى به‌حره‌ین رەزامەندى نیشاندا بۆ بەکارهێنانى ئەو ڤاکسینەى کۆرۆنا کە لەلایەن کۆمپانیاکانى فایزەر و بۆینتیکى ئەڵمانیه‌وە بەرهەمهێنراوە.

 ئاژانسه‌كه‌ ڕایده‌گه‌ێنێت  ڤاکسینەکە سەرەتا بەو کەسانە دەدرێت بەرگرى جەستەیان لاوازە یاخود نەخۆشى درێژخایەنیان هەیە.

حکومەتی بەریتانیا ڕۆژی چوارشەممەی ڕابردوو رەزامەندی لەسەر بەکارهێنانی ڤاکسینی بەرهەمهێنراوی هەردوو کۆمپانیای 'فایزەر' و 'بایۆنتێک' دەربڕی لە دژی پەتای کۆرۆنا.
 
بەحرەینیش دەبێتە دووەم وڵاتى جیهان و یەکەم وڵاتى عەرەبى کە ڤاکسینە كه‌پەسەند دەکات.