د.عەلی تەتەر، پارێزگارێ دهوکێ، ب ئامادەبوونا قائیمقامێ قەزا زاخۆ، رێڤەبەرێ گشتی یێ باژێرڤانیان ل دهۆکێ و چەندین رێڤەبەرێن گشتی و رێڤەبەرێن پەیوەندیدار، سەرا قەزا زاخۆ دا و بەرێ بنیاتی بۆ چەندین پرۆژان دانا.
پشتی مەسرور بارزانی، سەرۆکێ حوکمەتا هەرێما کوردستانێ، بەری نوکە ژ نێزیک سەرا قەزا زاخۆ دایی و ژ نێزیک هایدارێ گل و گازندە و داخوازیێن خەلکی بووی، بریار ل سەر دروستکرنا هژمارەکا پرۆژان دا، ئەڤرۆ دەست ب چێکرنا هندەک ژ وان پرۆژان هاتە کرن.
ژ وان پرۆژێن ئەڤرۆ بەرێ بناغەی بۆ هاتیەدان، پێکدهێن ژ دو پرۆژان، پرۆژێ ئێکێ، دانانا بەرێ بنیاتی بۆ پرۆژێ بەرفرەهکرن و سەخبێریکرنا سایدێ راستێ یێ رێیا ئیبراهیم خەلیل بۆ زاخۆ ب درێژاهیا 8,5 کم ب کۆژمێ حەفت ملیار و 840 ملیون دیناران دانا.
پرۆژێ دویێ، دانانا بەرێ بیناتی بۆ پرۆژێ چێکرنا جادا 30 م ل گەل سولینێن ئاڤرێژ ب کۆژمێ دو ملیار و 929 ملیۆن و 650 هزار دیناران، هەردو پرۆژە ژی، دێ ل سەر بودجێ حوکمەتا هەرێما کوردستانێ هێنە ئەنجامدان.
د هەمان دەمدا، سەرەدا ناحیا باتیفا ژی دا و بەرێ بناغێ بۆ پروژێ ئاڤا باتیفا دانا، سەرجەمێ گشتیی یێ پارێ تەخانکری بۆ پرۆژێن ئەڤرۆ، پترە ژ 22 ملیار دیناران.
سه‌رچاوه: ئەڤرۆ نیوز
کۆمێنت (0)
تا ئێستا هیچ کۆمێنتێک نەکراوە.