سەرۆکایەتی پەرلەمانی کوردستان: عیدۆ بابەشێخ کەسایەتییەکی ڕۆشنبیر و کۆمەڵایەتی بەرچاوی پێکهاتەی ئێزیدی بوو
سەرۆکایەتی پەرلەمانی کوردستان بۆ کۆچی دوایی عیدۆ بابەشێخ پەیامێکی هاوخەمی بڵاوکردەوە
ده‌قی په‌یامه‌كه:
بە خەم و کەسەرێکی زۆرە هەواڵی کۆچی دوایی (عیدۆ بابەشێخ) کەسایەتی و ڕۆشنبیر و ئەندامی خولی یەکەمی پەرلەمانی کوردستان-مان بیست، بەم بۆنە خەمناکەوە دڵگرانی و هاوخەمی خۆمان بۆ بنەماڵەی خوالێخۆشبوو و کوردانی ئێزدی دەردەبڕین.
خوالێخۆشبوو (عیدۆ بابەشێخ)، کەسایەتییەکی ڕۆشنبیر و کۆمەڵایەتی بەرچاوی پێکهاتەی ئێزیدی بوو، هاوکات لەبواری کاری پەرلەمانیدا خزمەتێکی زۆری کردووە، داواکارین لە یەزدانی مەزن کۆچکردوو ببەخشێت، و ئارامی بە کەس و کاری بدات.
(ئەو ل رێ و ئەم ل پێ، ئەم هەمی دێ زڤرن بۆ خودێ)
سەرۆکایەتیی پەرلەمانی کوردستان
کۆمێنت (0)
تا ئێستا هیچ کۆمێنتێک نەکراوە.