وەزیری تەندروستی حکوومەتی هەرێمی کوردستان و به‌رپرسانی دیكه‌ی وه‌زاره‌تی ته‌ندروستی و به‌رێوه‌به‌ره گشتیه‌كانی سه‌ر به‌وه‌زاره‌ت پلانی حکوومەت لەبارەی رووبەڕووبوونەوەی پەتای کۆرۆنا بۆ قۆناغی داهاتوو راده‌گه‌یه‌نن
له‌راگه‌یاندراوێكدا وه‌زاره‌تى ته‌ندروستى هه‌رێمی كوردستان بڵاوی كرده‌وه كه ئەمرۆ دووشەممە 23 ى 11 ى 2020 دكتۆر سامان بەرزنجی وەزیری تەندروستی و بەرێوەبەرە گشتییەکانی تەندروستی هەولێر، سلێمانی، دهۆک ، هەڵەبجە ، سەرۆکی یەکەی ئیدارە سەربەخۆکانی گەرمیان و راپەڕین ده‌چنه پەرلەمانی کوردستان و لەگەڵ لێژنەی تەندروستی پەرلەمانی کوردستان کۆدەبنەوە و تاوتوێی پلانی نوێی حکوومەت بۆ رووبەڕووبوونەوەی کۆرۆنا لە قۆناغی داهاتوو دەکەن.
کۆمێنت (0)
تا ئێستا هیچ کۆمێنتێک نەکراوە.