که‌شناسی هه‌رێم: سبه‌ی به‌فر و باران بارین ده‌ستپێده‌کاته‌وه‌

به‌رێوه‌به‌رایه‌تى گشتى كه‌شناسی و بومه‌له‌رزه‌زانی هه‌رێمی كوردستان راگه‌یاندراوێكی بڵاو كرده‌وه‌ 

به‌رێوه‌به‌رایه‌تیه‌كه‌ رایده‌گه‌ێنێت كه‌سبه‌ی هه‌ینی له‌گه‌ڵ درێژبوونه‌وه‌ی كاریگه‌ری نزمه‌ پاڵه‌ په‌ستۆی ده‌ریای ناوه‌راست و ده‌ریای سوور ئاسمانی به‌شێك له‌ناوچه‌كانی هه‌رێم ده‌گۆڕێت بۆ نیمچه‌ هه‌ور و هه‌وری ته‌واو 

كه‌شناسی هه‌رێم ئاماژه‌ بۆ ئه‌وه‌ش ده‌كات  كه‌له‌هه‌مان ڕۆژدا له‌دوای نیوه‌رۆ باران بارین  له‌ناوچه‌ شاخاوییه‌كان ده‌ستپێده‌كاته‌وه‌  و پاشان ئاست و ڕێژه‌ى باران له‌شه‌ودا زیاد ده‌كات و  راشیده‌گه‌یه‌نن كه‌دواتر باران بارین له‌زۆربه‌ی ناوچه‌كان ده‌بارێت 

به‌رێوه‌به‌رایه‌تى گشتى كه‌شناسی و بومه‌له‌رزه‌زانی هه‌رێمی كوردستان راشیده‌گه‌ێنێت هه‌ر سبه‌ی هه‌ینی له‌سه‌ر لوتكه‌ی شاخه‌ به‌رزه‌ سنورییه‌كان به‌فر  ده‌بارێت و  پله‌كانی گه‌رما كه‌مێك روو له‌نزم بوونه‌وه‌ ده‌كات 

له‌كۆتادا رایده‌گه‌یه‌نن ئه‌م شه‌پۆڵه‌ی باران بارینه‌ش تا رۆژی شه‌ممه‌ به‌رده‌وام ده‌بێت

دارشتنه‌وه‌ى هه‌واڵ - شوان عه‌زیز