پشتی شەش سالا ژ ڕەڤاندنا وی ژ ئالیێ داعش ڤە ل وەختێ هێرش کریە سەر قەزا شنگال “بەرزان ئیبراهیم خەلەف عەمۆ” ژ تورکیا هاتە خەلاسکرن.
بەرزان ئیبراهیم ( 8 سالی) ژ گوندێ تل قەسەبێ کەڤنە ل باشوورێ چيایێ شنگال دگەل مالا خوە هەمووێ هاتبووە ڕەڤاندن کە سێ ژوان بەری نوهە هاتبوونە خەلاسکرن و هەتا نوهە چارەنڤیسێ داک و بابێت وی نەی خوەیایە، ئیرۆ ل ئەنقرە رادەستی مامێ وی هاتە کرن.
مامێ وی “عومەر خەلەف عەمۆ” ژ “كوردستان تيفي” رە گۆت،“بەری سال و نیڤەکێ مە زانی کە ل تورکیا یە ل با خێزانەکە تلەعفەری يه کە رابووبوون ب خودانکرنا وی وەختێ ئەو یێ ڕەڤاندی و پشتی گەلەک هەولا و پشتی مە رێکارێت یاسایی ب دوماهیک ئانین هاتە رزگارکرن”. گۆت ژی،“ئەم سوپاسیا هەموو ئالیا و کەسایەتیا دکن کە هاریکاریا مە کرن ل خەلاسکرنا بەرزان و تەمامکرنا رێکارێن یاسایی و ژ خودێ دخوازن کە هەموو گرتی بێنە رزگارکرن”.
تێیە زانین کە رێکخستنا داعش پتر ژ شەش هەزار ئێزیدی ڕەڤاند ژ هەردۆ ڕەگەزا و حەمرێت جدا جدا و هەتا نوهە چارەنڤیسێ پتر ژ دهەزار ئێزیدی نەی خوەیایە.
کۆمێنت (0)
تا ئێستا هیچ کۆمێنتێک نەکراوە.