ئه‌مرۆ یه‌كشه‌ممه رێكه 18/11/2018 نه‌وه‌د ساڵی رێك تێپه‌ر ده‌بێت به‌سه‌ر یه‌كه‌م ده‌ركه‌وتنی كه‌سایه‌تی به‌ناوبانگی كارتۆنی "میكی ماوس" ، كه بۆ یه‌كه‌مجار له ساڵی 1928 له فیلم كارتۆنی Steamboat Willie ده‌ركه‌وت .
ئه‌م فیلمه كارتۆنییه بۆ یه‌كه‌مجار له رێكه‌وتی 18/11/1928 له سینه‌مای كۆلۆنی پیاتر له نیۆیۆرك به شێوه‌ی ره‌ش و سپی نمیشكرا كه ماوه‌كه‌ی ته‌نیا هه‌شت خوله‌ك بوو ، به‌ڵام جارێكی دیكه كه‌سایه‌تی میكی ماوس له ساڵ 1942 له قیلم كارتۆنی فانتازیا ده‌رده‌كه‌وێته‌وه .
سه‌ره‌تا كه‌سایه‌تی كارتۆنی میكی ماوس ته‌نیا لای منداڵان ناسراو بوو ، كاتێك له په‌نجاكانی سه‌ده‌ی رابردوو له فیلم كارتۆنی " میكی ماوس و سه‌گه كه " ده‌ركه‌وت ، كه بووه هۆی بڵاو بونه‌وه‌ی ناوبانگی میكی ماوس به شێوه‌یه‌ك وێنه‌ی له‌سه‌ر زۆربه‌ی كه‌لوپه‌له‌كان دروست بكرێت ته‌نانه‌ت دوو گوێچه‌كه‌ی ره‌شی گه‌وره هێمایه‌ك بێت بۆی .
كۆمپانیای "والت دیزنی" ی ئه‌میریكی بڕیاریدا پێشه‌نگایه‌كی هونه‌ری له‌سه‌ر رووبه‌ری 16هه‌زار پێ چوارگۆشه له " مانهاتن " بۆ میكی ماوس بكاته‌وه كه به سه‌فیری كه‌لوپه‌له‌كانی كۆمپانیاكه‌ی داده‌نێت .
کۆمێنت (0)
تا ئێستا هیچ کۆمێنتێک نەکراوە.