له شارۆچكه‌ی مه‌نده‌ره‌سی ئیزمیر، بارهه‌ڵگرێك كه كۆچبه‌ری نایاسایی هه‌ڵگرتبوو وه‌رگه‌ڕا، به‌پێی ئاماره سه‌ره‌تاییه‌كان له‌و رووداوه‌دا 19 كه‌س گیانیان له‌ده‌ستداوه كه منداڵیشیان له‌نێودایه و، 11 كه‌سی دیكه‌ش برینداربوون.
به‌پێی ئه‌و زانیارییانه‌ی ده‌ستكه‌وتوون، بارهه‌ڵگره‌كه له ئایدنه‌وه به‌ره‌و ئیزمیر رۆیشتووه و له شارۆچكه‌ی مه‌نده‌ره‌س شۆفێره‌كه‌ی كۆنترۆڵی له‌ده‌ستداوه و وه‌رگه‌ڕاوه.
له‌دوای ئه‌وه‌ی ئه‌و كه‌سانه‌ی له ناوچه‌كه بوون هه‌واڵیان داوه‌ته لایه‌نه په‌یوه‌ندییداره‌كان، تیمه‌كانی پۆلیس، ته‌ندروستی و ئاگركوژێنه‌وه ره‌وانه‌ی ناوچه‌كه كراون.
له‌و رووداوه‌دا 19 كه‌س گیانیان له‌ده‌ستداوه كه منداڵیشیان له‌نێودایه و 11 كه‌سی دیكه‌ش برینداربوون.
کۆمێنت (0)
تا ئێستا هیچ کۆمێنتێک نەکراوە.