قاسم سلێمانی هه‌ڕه‌شه‌ی کوشتن له‌ژماره‌یه‌ک سه‌رکرده‌ی سوننه‌کان ده‌کات

فه‌رمانده‌ی فه‌یله‌قی قودسی سه‌ر به‌ سوپای پاسدارانی ئێران هه‌ڕه‌شه‌ی كوشتن له‌ چه‌ند سه‌ركرده‌یه‌كی سوننه‌كان له‌ عێراق ده‌كات.

به‌ پێی هه‌واڵێكی سكای نیوز كه‌ له‌سه‌رچاوه‌ عێراقییه‌كان گواستویه‌تییه‌وه‌، رایگه‌یاندووه‌: قاسم سلێمانی، فه‌رمانده‌ی فه‌یله‌قی قودسی سه‌ر به‌ سوپای پاسدرانی ئێران به‌ شێوه‌یه‌كی راسته‌وخۆ هه‌ڕه‌شه‌ی كوشتنی ئاراسته‌ی چه‌ند سه‌ركرده‌یه‌كی سوننه‌كانی عێراق كردووه‌.

 سه‌رچاوه‌كه‌ ئه‌وه‌شی راگه‌یاندووه‌ كه‌ هه‌ڕه‌شه‌كان له‌ كاتێكدا ئاراسته‌ی سه‌ركرده‌ سوننه‌كان كراوه‌،  ئه‌گه‌ر فراكسیۆنه‌ سوننییه‌كان بڕیار بده‌ن هاوپه‌یمانی له‌گه‌ڵ لیسته‌كانی سائیرون و نه‌سر پێك بهێنن.

ئاماده‌كردنی / رزگار

سه‌رچاوه‌ / سۆمه‌ر نیوز