حەیدەر عەبادی، سەرۆک وەزیرانی عێراق بەبۆنەی پەسەندکردنی ئەنجامی کۆتایی هەڵبژاردن لەلایەن دادگای فیدراڵییەوە، پەیامێکی بڵاوکردەوەو پیرۆزبایی لە خەڵکی عێراق و پەرلەمانتارانی خولی نوێ کرد.
لە پەیامەکەيدا، حەیدەر عەبادی بە فەرمی داوای لە فوئاد مەعسوم سەرۆک کۆماری عێراق کرد، بەزووترین کات داوای یەکەم دانیشتنی خولی نوێی ئەنجومەنی نوێنەرانی عێراق بکات و بەپێی ئەو وادەیەی کە دەستوور دیاری کردوە بۆ هەڵبژاردنی دەستەی نوێی سەرۆکایەتی پەرلەمان و سەرۆک کۆمار و راسپاردنی نوێنەری گەورەترین فراکسیۆنی پەرلەمان بۆ پێکهێنانی کابینەی نوێی حکومەتی عێراق، تا دەگاتە متمانەدان بە کابینەی نوێ و چڕکردنەوەی هەوڵەکان بۆ خزمەتکردنی خەڵک و پاراستنی ئارامی و ئاسایشی وڵات.
تيَزانين تائێستا بەفەرمی هاوپەیمانی نێوان لایەنە سیاسییەکان بۆ دروستکردنی فراکسیۆنی زۆرینە نەگەیشتوەتە کۆتایی و بەپێی چەند سەرچاوەیەک، هەریەکە لە موقتەدا سەدر و نوری مالیکی، کێبڕکێ دەکەن بۆ قایلکردنی زۆرترین لایەنی سیاسی بۆ پێکهیناین فراکسیۆنی زۆرینە و پێکهێنانی حکومەتی نویی عێراق.
کۆمێنت (0)
تا ئێستا هیچ کۆمێنتێک نەکراوە.