ژماره‌یه‌ك چه‌كداری داعش له كرده‌وه‌یه‌كی خۆكوژیدا له قه‌زای بێجی خۆیان به پۆلیسی نه‌وت و هێزه چه‌كداره‌كانی حه‌شدی شه‌عبی ته‌قانده‌وه.
سه‌رچاوه‌یه‌كی ئه‌منی له پارێزگای سه‌ڵاحه‌یدن به سۆمه‌رییه نیوزی راگه‌یاندووه: ئه‌مرۆ پێنجشه‌ممه چه‌كدارانی داعش هێرشیان كردۆته سه‌ر یه‌كه سه‌ربازییه‌كانی وێستگه‌ی k2 بۆ ده‌رهێنانی نه‌وت له ناوچه‌ی سینییه، له رۆژئاوای بێجی و شه‌ش خۆكوژ له نێو هێزه‌كانی پۆلیس و حه‌شدی شه‌عبی خۆیان ته‌قاندۆته‌وه.
سه‌رچاوه‌كه ئاشكراشی كردووه كه له كرده‌وه‌كه‌دا ژماره‌یه‌ك له هێزه ئه‌منییه‌كان برینداربوون و خوَكوژه‌كانیش له ناوچه‌ی جه‌زیره له رۆژئاوای قه‌زای بێجی دزه‌یان كردۆته ناوچه‌كه.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.