نه‌جه‌ف له‌دونیا داده‌بڕێ

به‌هۆی تێكچوونی ره‌وشی ئه‌منی شاره‌كه‌، چوار كۆمپانیای فڕۆكه‌وانی گه‌شته‌ ئاسمانییه‌كانیان بۆ شاری نه‌جه‌ف راگرت.

هێله‌ ئاسمانییه‌كانیش بریتین له‌ فلای دوبه‌ی ئیماراتی و كۆمپانیای هێلی شانشینی ئورده‌ن و كۆمپانیای هێلی ئاسمانی كوه‌یتی و هاوكاتیش رێره‌وه‌ی گه‌شته‌ ئاسمانییه‌كانی وڵاتی ئێرانی له‌نه‌جه‌فه‌وه‌ رووه‌و به‌غدا بۆته‌وه‌.

ماوه‌ی چه‌ند رۆژیكه‌ پارێزگا شیعه‌ نشینه‌كانی باشوور و هه‌روه‌ها هاووڵاتیانی به‌غدای پایته‌خت رژاونه‌ته‌ نێو شه‌قامه‌كان و داوای هه‌لی كارو خزمه‌تگوزاری وه‌ك ئاوو كاره‌با ده‌كه‌ن.

وه‌ك وه‌ڵامدانه‌وه‌یه‌كیش حكومه‌تی عێراق چه‌ند به‌ڵێنێكی به‌ خۆپیشانده‌ران داوه‌، به‌ڵام خۆپیشاندان تا ئێستا درێژه‌ی هه‌یه‌ و كوژراو برینداریشی لێكه‌وتۆته‌وه‌.

ئاماده‌كردنی: رزگار

سه‌رچاوه‌/ عاجل