ئەبو مەھدی موھەندیس جێگری سەرۆکی دەستەی حەشدی شەعبی، رایگەیاند" نزیكه‌ى 20 بۆ 24 هه‌زار چه‌كدارى داعش له عێراقدا هه‌ن، كه له‌و ژماره‌یه نزیكه‌ى 6 هه‌زار چه‌كدارى داعش له گوره‌پانى شه‌رو هێرشكردندان و رۆژانه كارى كوشتن و رفاندن ئه‌نجام ده‌ده‌ن.
به‌پێى هه‌والێكى ئاژانسى "نون"ى تایبه‌ت به هه‌واله‌كانى عێراقى، موھەندیس ره‌خنه‌ى له حكومه‌تى عێراقى گرتووه له رووبه‌رووبوونه‌وه‌ى داعش و راگه‌یاندنى سه‌ركه‌وتن به‌سه‌ردا داعشدا.
ناوبراو هۆكارى گه‌رانه‌وه‌ى داعش بۆ ناو خاكى عێراق و ئه‌نجامدانى كرده‌وه‌ى تیرۆریستى، بۆ ئه‌داى حكومه‌ت و تێكچوونى پرۆسه‌ى سیاسى له عێراق ده‌گه‌رێنێته‌وه، به‌لام به‌پێى وته‌ى مه‌هه‌ندیس حه‌شدى شه‌عبى زۆربه‌ى ناوچه بیابانه‌كانى كۆنترۆل كردووه .
هه‌روه‌ها وتیشی" سەرھەڵدانی قەیرانی سیاسی و رێککنەکەوتنی لایەنەکان لەسەر کابینەی داھاتووی حکومەت، ھۆکارێکی ترە بۆ سەرھەڵدانەوەی شانە نووستووەکانی داعش لە پارێزگاکانی ئەنبار و دیالە و نەینەوا و چەند ناوچەیەکی تری عێراق.
ناوبراو داواى له ده‌زگا ئه‌منییه‌كانى عێراق ده‌كات رۆلى زیاتر ببینین له پاراستى ئاسایشى عێراق و رێگرتن له گروپه تیرۆریستیه‌كان و بەپێویستیشی زانی لەم قۆناغەدا، ھەماھەنگی تەواو لەنێوان سوپاو پۆلیس و حەشدی شەعبیدا ھەبێت، بە ئامانجی لەناوبردنی شانە نووستوەکانی داعش لە عێراقدا.
کۆمێنت (0)
تا ئێستا هیچ کۆمێنتێک نەکراوە.