پارێزگای سەڵاحەدین لەناو پارێزگا سوننەكانی عێراق دۆخێكی زۆر خراپی هەیە لە رووی ئەمنی و بەڕێوەبردنەوە، سەرۆكی ئەنجوومەنی پارێزگاكە لەو بارەوە دەڵێت كە ئەوان لەژێر هەڕەشەی داعشن و كارمەندانی ئەمنیش بە سەرانە وەرگرتن و قاچاغی نەوتەوە سەرقاڵن.
ئەحمەد كەریم، سەرۆكی ئەنجوومەنی پارێزگای سەڵاحەدین لە بەیاننامەیەكدا رایگەیاندووە كە پارێزگای سەڵاحەدین لەلایەن داعشەوە هەڕشەی لەسەرە و كارمەندانی ئەمنیش سەرقاڵی بەقاچاغ بردنی نەوت و وەرگرتنی سەرانەن لە هاووڵاتییان لە بازگەكانەوە و روونیشیكردەوە، وای لێ هاتووە داعش كات و شوێنی گونجاو بۆ جێبەجێكردنی هێرشەكانی دیاری دەكات و ئەو بابەتەمان بەحكوومەتی ناوەندی راگەیاندووە.
ئەحمەد كەریم هۆشداریدا لە دروستبوونی كارەسات لە پارێزگای سەڵاحەدین ئەگەر چارەسەری ، بوونی چەكدارانی داعش لە پارێزگاكە نەكرێت و ئاماژەی كرد كە چەندان خێزان لەو پارێزگایە دەستیان بە كۆچكردن كردووەتەوە بەهۆی بوونی داعش لە ناوچەكانیان.
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.