ئەمڕۆ دووشەممە 25-6-2018 دادگای باڵای فیدراڵی عێراق درێژکردنەوەی تەمەنی پەرلەمانی ڕەتکردەوە و بە نایاسایی و نادەستوری زانیوه.
بە گوێرەی بەڵگەنامەی تایبەتی دادگای فیدراڵی کە بڕیاری لە بارەی درێژکردنەوەی ماوەی پەرلەمان داوە ، ئاماژە بەوە دەکات، ئەو بڕیارانەی کە دوای 45 ڕۆژ لە ئەنجامدانی هەڵبژاردنەوە لە پەرلەمان دەردەچن هیچ پشتیوانییەکی دەستورییان نییە و بڕیارەکان نابێت لە 30 ڕۆژ تێپەڕ بکات.
ماوەی یاسایی پەرلەمان لە کۆتایی ئەم مانگەدا کۆتایی دێت، بەڵام ئەم هەفتەیە لە کۆبوونەوەیەکی نائاسایی پەرلەمان هەمواری چوارەمی یاسای هەڵبژاردنەکان کرا و تیایدا تەمەنی پەرلەمان درێژکرایەوە تا ئەو کاتەی پرۆسەی جیاکردنەوە و بژاردنەوەی دەستی دەنگەکانی هەڵبژاردنی پەرلەمان تەواو دەبێت.
بڕیاریشە ڕۆژی یەکشەممەی داهاتوو جارێکی تر پەرلەمان کۆبێتەوە بۆ تەواوکردنی خویندنەوەی دووەم بۆ پرۆژە یاساکە و بەرلەوەی دەنگدانی کۆتایی لە سەر بکرێت.
کۆمێنت (0)
تا ئێستا هیچ کۆمێنتێک نەکراوە.