ئێواره‌ى رۆژى چوارشه‌ممه ، له‌یاریه‌كانى جامى جیهانى 2018 كه‌له‌وڵاتى ڕووسیا به‌ڕێوه‌ده‌چێت ، له‌كۆمه‌ڵه‌ى دووه‌مى جامه‌كه ، له‌یاری دووه‌میان هه‌ردوو هه‌ڵبژارده‌ى پورتوگال و مه‌غریب رووبه‌رووی یه‌ك بوونه‌وه
له‌ویاریه‌دا پورتوگال به‌گۆلێكى ڕۆناڵدۆ سه‌ركه‌وتنى به‌سه‌ر مه‌غریبدا تۆمار كرد ، براوه‌بوونى پورتوگال له‌دوای ئه‌وه دێت له‌یاری پێشوویان له‌به‌رامبه‌ر ئیسپانیا دووچاری یه‌كسان بوون هاتن به‌ئه‌نجامى سێ گۆل بۆ هه‌ردوولا ، له‌و یاریه‌دا پورتوگال به‌سه‌ركردایه‌تى رۆناڵدۆ سه‌ركه‌وتنیان تۆمار كرد له‌یاری دووه‌میان ئه‌وه‌ش هه‌نگاوێكى باشه بۆ سه‌ركه‌وتنى ئه‌و هه‌ڵبژارده‌یه بۆ گه‌یشتن به‌قۆناغى داهاتوو .
له‌دوای ئه‌وه‌ى سه‌ركردایه‌تى بردنه‌وه‌ى هه‌ڵبژارده‌ى وڵاته‌كه‌ى كرد ، ڕۆناڵدۆ به‌باشترین یاریزانى یاریه‌كه دیاری كرا و ڕێزى لێنرا له‌به‌رامبه‌ر ئه‌و ئاسته‌ى له‌یاریه‌كه پێشكه‌شى كرد .
کۆمێنت (0)
تا ئێستا هیچ کۆمێنتێک نەکراوە.